Friday, 4 July 2014

မန္တလေး အဓိကရုဏ်း ဒုတိယနေ့ ၂ ဦးသေ၊ ၁၄ ဦးဒဏ်ရာရ

မန္တလေးမြို့တွင် အမျိုးသမီးငယ်တဦး မုဒိမ်းကျင့်ခံရသည်ဆိုသော အမှုတိုင်ကြားချက်ပေါ်မူတည်၍ ဘာသာရေးနှင့် လူမျိုးရေး အသွင်ဆောင်သည့် အဓိကရုဏ်းများ ဇူလိုင်လ ၁ ရက်နေ့ညပိုင်းစတင်ဖြစ်ပွားခဲ့ရာ ဇူလိုင် ၂ ရက်နေ့ ညပိုင်း တွင်လည်း ပဋိပက္ခများ ထပ်မံဖြစ်ပွားခဲ့ပြီး လူ ၂ ဦးသေဆုံးကာ ၁၄ ဒဏ်ရာရရှိကြောင်း မန္တလေးတိုင်းရဲတပ်ဖွဲ့က တရားဝင် သတင်းထုတ်ပြန်သည်။

ဇူလိုင် ၂ ရက်နေ့ ည ၁၁ နာရီ ခန့် က ၃၅လမ်းနဲ့ ၈၃ လမ်းထောင့်တွင် ဆိုင်ကယ်စီးနင်းလာသော ကိုထွန်းထွန်း ကို အမည်မသိလူတစု က ဝိုင်းဝန်းရိုက်နှက်ပြီး ဓားဖြင့် တိုက်ခိုက်ခဲ့မှုကြောင့် ဆေးရုံအရောက်တွင် သေဆုံးခဲ့သည်၊ ထို့ပြင် ဇူလိုင်လ ၃ ရက်နေ့ မနက်လင်းအားကြီး ၄ နာရီ ခန့် က လည်း ၈၃ လမ်းနှင့် ၃၁ လမ်းထောင့် တွင် ရှိနေသည့် ကိုစိုးမင်းထွေး ကို လူတစု က ရိုက်နှက်ခဲ့မှုကြောင့် သေဆုံးသွားခဲ့ပြီး ပြစ်မှုကျူးလွန်ခဲ့သူများကိုမှု စုံစမ်းနေဆဲ ဖြစ်ကြောင်း မန္တလေးတိုင်းဒေသကြီး ခရိုင်ရဲရုံးဒုတိယရဲမှူးကြီးဇော်ဝင်းအောင် က ပြောသည်။

“၂၆လမ်းဘက်မှာ လူစုလူဝေး နဲ့ လျှောက်လိုက်ပြီးတွေ့ရာ ပစ္စည်းတွေဖျက်ဆီးနေတဲ့ လူအုပ်ထဲက ၄ ဦးကို ဖမ်းဆီးပြီး စစ်ဆေးနေပါတယ်၊ လူသေမှု ကိုလည်း စုံစမ်းပြီးတော့ ထိထိရောက်ရောက်အရေးယူမှာဖြစ်ပါတယ်”ဟု ဒုရဲမှူးကြီး ဇော်ဝင်းအောင် က မီဒီယာများကို ပြောသည်။

ဇူလိုင် ၂ ရက် ည ၁၁ နာရီမှ ယနေ့မနက် ၄ နာရီခွဲခန့်အထိ လူ ၂ ဦး သေဆုံးမှု အပါအဝင် လူထုအုံကြွမှု ၈ ကြိမ် ဖြစ်ပွားခဲ့ပြီး ဖြစ်စဉ်တွင် ပါဝင်သူ ၄ ဦးကို အမှတ် ၆ ရဲစခန်းတွင် ထိန်းသိမ်းထားပြီး ကျန်ရှိသည့် ဆူပူအုံကြွမှုကို ဖြစ်စေ သူများကို ဖမ်းဆီးနိုင်ရန်အတွက် မျက်မြင်သက်သေများကို စုံစမ်းစစ်ဆေးနေကြောင်း ၎င်းက ရှင်းပြသည်။

မန္တလေးတိုင်းဒေသကြီးအစိုးရ၊ နယ်စပ်ရေးရာနှင့် လုံခြုံရေးဝန်ကြီး ဗိုလ်မှူးကြီးအောင်ကျော်မိုးက “ပုဒ်မ ၁၄၄ ကိုတော့ ထုတ်ပြန်ဖို့မရှိပါဘူး၊ ဖြစ်တဲ့အချိန်တွေက ညဘက် စားသောက်ဆိုင်တွေ ဖွင့်ချိန်တွေဖြစ်နေတော့ ဆိုင်တွေမှာ သောက်စား ပြီးပြန်လာရာက လူစုလူဝေးထဲပါသွားတာမျိုးဖြစ်နိုင်တယ်၊ ဒါကြောင့် အစိုးရအဖွဲ့က ဆိုင်တွေကို တွေ့ဆုံပြီး ဆိုင်တွေကို စောစောပိတ်ဖို့ ဆွေးနွေးနေတယ်”ဟု ပြောသည်။

လက်ရှိတွင် ပဋိပက္ခ ပြဿနာ၏ မူလအစဖြစ်သော မုဒိန်းကျင့်ခံရသည်ဟုဆိုသည့် ကာယကံရှင် မစိုးစိုးထိုက် ကို ပျဉ်းမနား ရဲစခန်းတွင် ထိန်းသိမ်းထားပြီး တိမ်းရှောင်နေသည့် ကျူးလွန်သူဟု ယူဆရသူ ၂ ဦးကို ပုဒ် ၃၇၆ ဖြင့်အမှုဖွင့်ထားကြောင်း သိရှိရသည်။

ဆူပူအကြမ်းဖက်မှု၏ ဖြစ်စဉ်သည် လူမှုကွန်ရက် ဆိုရှယ်မီဒီယာတွင် သတင်း ဖြန့်ဝေမှုမှ စတင်ခြင်းဖြစ်သည့်အတွက် လူထု အနေဖြင့် ယင်းကဲ့သို့သော သတင်းများကိုဖတ်ရှုခြင်း၊ တဆင့်ဝေမျှခြင်းပြုလုပ်မည်ဆိုပါက စဉ်းစားရန် လိုအပ် ကြောင်း၊ ပဋိပက္ခများ မဖြစ်ပွားရန်အတွက် တာဝန်ရှိသူများက ထိန်းသိမ်းမည်ဖြစ်သလိုပြည်သူများလည်း ပါဝင်ရန် လိုအပ် သည်ဟု မန္တလေးတိုင်းဒေသကြီး အစိုးရအဖွဲ့တာဝန်ရှိသူများ က ပြောဆိုသည်။

ဇူလိုင်လ ၂ ရက်နေ့ ညပိုင်း အဓိကရုဏ်းကြောင့် ဆူပူအုံကြွမှုများဖြစ်ပွားခဲ့သည့် ၂၇ လမ်းနှင့် ၂၈ လမ်းထောင့်နှင့် အနီးတဝိုက်ရှိ ဆိုင်ခန်းအများစုမှာ ပိတ်ထားပြီး မြို့နေလူထုမှာ စိုးရိမ်ထိတ်လန့်နေကြောင်း သိရှိရသည်။

“ဟိုနေရာဖြစ်မယ်၊ ဒီနေရာဖြစ်မယ်ဆိုတဲ့ ကောလဟလတွေရှိနေပြီး သွားကြည့်ရင် ဘာမှမဟုတ်ဘူး”ဟု မန္တလေးမြို့ခံ တဦးက ပြောပြသည်။

မန္တလေး အဓိကရုဏ်း ဒုတိယမြောက်နေ့ ဖြစ်ပွားမှုနှင့်ပတ်သက်၍ မန္တလေးတိုင်းဒေသကြီး ခရိုင်ရဲရုံး တွင် ဇူလိုင်လ ၃ ရက်နေ့ မနက်ပိုင်းတွင် သတင်းစာရှင်းလင်းပွဲပြုလုပ်ခဲ့ပြီး တိုင်းဒေသကြီးအစိုးရအဖွဲ့ရုံး တွင်အစိုးရတာဝန်ရှိသူများနှင့် ဘာသာပေါင်းစုံမှ ခေါင်းဆောင်များပါဝင်သည့် အစည်းအဝေးများပြုလုပ်ခဲ့ကြောင်း သိရှိရသည်။

From: ဧရာဝတီ

www.mmdailystar.com

0 comments:

Post a Comment

လွတ်လပ်စွာပြောဆို ရေးသားနိုင်ပါသည်။
မှတ်ချက်များကို မကြာမှီ ဖော်ပြပေးပါမည်။

Related Posts Plugin for WordPress, Blogger...