Wednesday, 16 July 2014

စက်တင်ဘာတွင် စရောင်းမည့် တယ်လီနောဆင်းကတ် မြို့ကြီးသုံးမြို့ကို ဦးစားပေးမည်





တယ်လီနော မိုဘိုင်းဖုန်း ဆင်းကတ်များ စတင်ရောင်းချမည့် စက်တင်ဘာလတွင် ရန်ကုန်၊ မန္တလေးနှင့် နေပြည်တော် မြို့ကြီး သုံးမြို့ကို ဦးစားပေး ဖြန့်ချိ ရောင်းချသွားမည်ဖြစ်ကြောင်း တယ်လီနော မြန်မာ၏ အမှုဆောင်အရာရှိချုပ် Mr.Furberge က ဇွန်၁၄ ရက်က မဇ္ဈိမကို ပြောသည်။
 

လက်ရှိတွင် မိုဘိုင်းကွန်ယက် တည်ဆောက်ခြင်းအတွက် မိုဘိုင်းတာဝါတိုင် တည်ဆောက်ခြင်းများ၊ မိုဘိုင်းနက်ဝက်ပစ္စည်း တပ်ဆင်ခြင်းများ လုပ်ဆောင်နေပြီး စက်တင်ဘာလအမှီ စတင်ဝန်ဆောင်မှုပေး နိုင်မည်ဟု ၎င်းက ထပ်လောင်းပြောကြားထားသည်။

လစဉ် မိုဘိုင်းကွန်ရက်ချဲ့ထွင်ခြင်းပြုလုပ်သွားမည်ဖြစ်ပြီး လာမည့် ငါးနှစ်အတွင်း တစ်နိုင်ငံလုံး၏ မိုဘိုင်းကွန်ယက် ၉ဝ ရာခိုင်နှုန်းကျော်ကို ရောက်ရှိလာမည်ဟု ခန့်မှန်းထားကြောင်း ၎င်းက ဆိုသည်။

တယ်လီနောမိုဘိုင်းဆင်းကတ်၏ ဖုန်းခေါ်ဆိုများကိုလည်း အသက်သာဆုံးဈေးနှုန်းဖြင့် ခေါ်ဆိုနိုင်ရန် စီစဉ်သွားမည်ဖြစ်ပြီး လက်ရှိအချိန်တွင် ဈေးနှုန်းကို တရားဝင် ပြောဆိုနိုင်ခြင်း မရှိသေးဟု Mr.Furberge က ပြောသည်။
 
 
From: mizzima

www.mmdailystar.com

0 comments:

Post a Comment

လွတ်လပ်စွာပြောဆို ရေးသားနိုင်ပါသည်။
မှတ်ချက်များကို မကြာမှီ ဖော်ပြပေးပါမည်။

Related Posts Plugin for WordPress, Blogger...