Wednesday, 20 August 2014

ရွှေသမင် ဘယ်ကထွက် မင်းသမီးတာကထွက်



အခုတလော ဖေစ့်ဘွခ်မှာ screen shot အတုတွေ ပြန့်နေပါတယ်။ ဦးရဲထွဋ်၊ ဘူးလက်လှဆွေ တို့ အပါအဝင် မနေ့ကဆိုရင်ဖြင့် ဆရာတော် ဦးဝီရသူရဲ့ အမေးအဖြေအင်တာဗျူးကဲ့သို့ အတုပြုလုပ်ထားတဲ့ ဖြေကြားချက်တွေ အများကြီးပြန့်နှံ့နေတာတွေ့မြင်မိပါတယ်။ ဝန်ကြီး ဦးရဲထွဋ်ကတော့ သူပြောတာမဟုတ်ဘဲ အတုတွေသာဖြစ်ကြောင်း ပြန်ရှင်းထားတာ ဖတ်ရပါတယ်။ အစကတော့ သန္တာကိုယ်တိုင်လည်း အစစ်လို့တောင် ထင်မိပါတယ်။ ကိုယ်လို အစစ်ထင်တဲ့သူတွေ ဘယ်နှစ်ယောက်များ ရှိနေလိမ့်ဦးမလည်း။ အတုကိုမှ ပီပီပြင်ပြင် အသေးစိတ်လုပ်ထားတာပါ။ Like ထားတာတွေများဆိုရင် အဘ ဥက္ကာကိုကို တို့ Ye Moeတို့တောင်ထည့်ပေးထားလိုက်သေးတယ်။ အချိန်ကုန်ခံပြီးတော့ကို စနစ်တကျလုပ်ထားတာပါ။
=
ဒါဆို ဒါတွေကို ဘယ်သူလုပ်နေလဲ။ ဘယ်က ဖြန့်နေသလဲ??????
=
ဘယ်သူလုပ်တယ်တော့ သန္တာလဲ မသိပါဘူး။ ဘယ်က ဖြန့်နေသလဲ ဆိုတာကိုတော့ သိခဲ့ပါပြီ။ ဒေါ် အေးမြမြမျိုး ဆိုတဲ့ အမျိုးသမီးရဲ့ အကောင့်မှာ အောက်ပုံထဲက စခရင်ရှော့နှစ်ခုကို တင်ထားတာတွေ့ပါတယ် ။ ရှဲလုပ်ထားတာမဟုတ်ပါ။ Upload လုပ်ပြီး တင်ထားတာပါ။ (အခုထိ တင်ထားပါတယ်။ အခုလေးတင် ရိုက်ခဲ့တာပါhttps://www.facebook.com/aye.mya.391/photos) ။ သူ့ရဲ့ ပရိုဖိုင်ကိုကြည့်လိုက်တော့။ NLD အနောက်ပိုင်း ခရိုင်မှာ လုပ်တယ်လို့ သိရပါတယ်။ တင်ထားတဲ့ပုံတွေထဲမှာလဲ ပါတီကလုပ်တဲ့ အစည်းအဝေးပွဲတွေ ဟောပြောပွဲတွေမှာ ပါဝင်ခဲ့ဖူးတဲ့ပုံတွေတင်ထားတာ အများကြီးတွေ့ရပါတယ်။
=

ဒါဆို မန္တလေး အသုဘ ဖိတ်စာ အတုကကော????
=

ဒါတွေကို ဒေါ်အောင်ဆန်းစုကြည် သိနေလား????
=

သန္တာတို့အနေနဲ့ စဉ်းစားစရာတွေ ပေါ်လာပြီ။ ရွှေသမင် ဘယ်ကထွက် မင်းကြီးတာကထွက် လို့ပြောနေကြသူတွေ....... စာချိုးပြောင်းဆိုရပါတော့မယ်။ ရွှေသမင် ဘယ်ကထွက် မင်းသမီးတာကထွက်.....
=

ဆိုရှယ်မီဒီယာတွေမှာ သတင်းအတုဖြန့်တာမျိုးတွေ နေ့စဉ်နဲ့အမျှတွေ့ဖူးပေမယ့် ဒါမျိုးက ကာယကံရှင်တွေရဲ့ ဓါတ်ပုံပါတဲ့ ဖေစ့်ဘွတ်ပါဆင်နယ်ပရိုဖိုင်ကို ယူပြီး ကာယကံရှင်ကိုယ်တိုင် သူ့ဖေစ့်ဘွတ်စတေးတက်ကနေ တကယ်ရေးသားတာသည့်နှင့်တူအောင် အတုပြုလုပ်ရေးသားထားတာဖြစ်ပါတယ်။ ဒီလိုပုံစံနဲ့ သတင်းအတုဖြန့်ခြင်း၊ ဝါဒဖြန့်ခြင်းမျိုးကို၊ အစိုးရအပါအဝင် တခြားဘယ်ပါတီဝင်ကမှ လုပ်တောင်တာ မတွေ့ဖူးပါ။ ဒါပထမဆုံးဖြစ်ပါ။
=
ဇာတ်လိုက်က ဇာတ်ကွက် ဗီလိန် ဖြစ်နေသလား???
=

အဲဒီတော့ NLD လို ဒီမိုကရေစီအိုင်ကွန်၊ လူထုခေါင်းဆောင်၊ ဒီမိုကရေစီခေါင်းဆောင်၊ ဒေါ်အောင်ဆန်းစုကြည်ဥက္ကဌပြုတဲ့ ပါတီကြီးက ဘာကြောင့်များ ဒီလို အောက်တန်းကျတဲ့ စခရင်ရှော့အတုတွေ လုပ်ပြီး ပြည်သူကြား၊ ဆိုရှယ်နက်ဝက် ကြားကို ဖြန့်နေပါသလဲ။ ဒါ အပုတ်ချတယ် ဆိုတာထက်ကို ကျော်လွန်သွားပါတယ်။ ဒါလီဆယ်ယုတ်မာ တယ်လို့ ဆိုနိုင်တဲ့ မရိုးမသား ပြုကျင့်မှုပါ။ NLD လို ပါတီကြီးက ဒါမျိုးတွေလုပ်နေတယ်ဆိုတာ မယုံနိုင်အောင်ပါပဲ။ သန္တာတို့ထင်ထားတဲ့ ဇာတ်လိုက်က ဇာတ်ကွက် ဗီလိန် ဖြစ်နေပါတယ်။ သန္တာတို့ ပြည်သူတွေမျှော်လင့်ထားတဲ့ အတိုက်အခံဆိုတာ ဒီလို လီဆယ်ဝါဒဖြန့်တဲ့ အတိုက်အခံမျိုးမဟုတ်ပါ။ ကျန်တဲ့စွမ်းဆောင်ရည်ဘာမှ မရှိရင်တောင်မှ ရိုးသားမှုလေးတော့ ရှိစေချင်ပါတယ်။ ရိုးသားမှုလေးကိုတော့ မျှော်လင့်မိပါတယ်။ ရိုးသားမှုရှိစေချင်ပါတယ်။ နောက်ပြီး အစိုးရအဖွဲ့နဲ့ အတိုက်အခံပါတီကို တိုက်ခိုက်တာမှ နိုင်ငံရေးမဟုတ်ပါ၊ ဒီမိုကရေစီအရေးမဟုတ်ပါ။ ဒီလောက်နဲ့ မရပါ။ မဟာဗျူဟာကျကျနှင့် အဆင့်အတန်းရှိရှိသာ ဝေဖန်သင့်၊ ယှဉ်ပြိုင်သင့်တယ်လို့ ပြောပါရစေရှင်။

From: သန္တာညိုညို

www.mmdailystar.com

0 comments:

Post a Comment

လွတ်လပ်စွာပြောဆို ရေးသားနိုင်ပါသည်။
မှတ်ချက်များကို မကြာမှီ ဖော်ပြပေးပါမည်။

Related Posts Plugin for WordPress, Blogger...