Friday, 8 August 2014

TNLA (ပလောင်)အဖွဲ့မှ ကွတ်ခိုင်မြို့ နမ့်ဖတ်ကာကျေးရွာ အလက(၁) ကျောင်းအုပ်ဆရာမကြီးအား နေရပ်ပြန်ရန် ခြိမ်းခြောက်စာပေးပို့




TNLA (ပလောင်)အဖွဲ့မှ နမ့်ဖက်ကာ အလက(၁) ကျောင်းအုပ်ဆရာမကြီး ဒေါ်စန္ဒာမိုးထံသို့ `` အသက် ရှင်ချင်ရင် နေရပ်ကို အမြန်ပြန်´´ဟု အသက်အန္တာရယ်ကို လက်နက်အားကိုးဖြင့် ခြိမ်းခြောက်ရေး သားထားသော  စာတစ်စောင်   ယခုလ ၅  ရက်နေ့ နံနက်  ၆  နာရီ ၄၅ မိနစ်တွင်   ကျောင်းအုပ်    ဆရာမကြီး ရုံးခန်းရှေ့တွင် လာရောက်ထားသွားကြောင်းသိရသည်။

 ခြိမ်းခြောက်စာတွင် အချက် ၆ ချက်ပါဝင်ပြီး စာနှင့်အတူ အမ်-၂၂ ကျည်ဆံ ၂ တောင့်အား ပလပ် စတစ် အိတ်ဖြင့် ထည့်ထားပြီး၆လက်မခန့်ရှိ ဓားမြောင် တစ်ချောင်းဖြင့် စိုက်ထားကြောင်းသိရသည်။ နမ့်ဖက်ကာကျေးရွာတွင် နေထိုင်သူအများစုမှာ ကချင်၊ ရှမ်း၊ ပလောင်၊ လီဆူး လူမျိုးများဖြစ်ကြောင်း သိရ သည်။အဝေးတစ်နေရာမှမိသားစုနှင့်ခွဲခွာပြီး လာရောက်သင်ကြားပေးသော ကျောင်းအုပ်ဆရာမကြီး   ဒေါ်စန္ဒာမိုးမှ တိုင်းရင်းသား ကျောင်းနေကလေးငယ်များအားစိတ်ဓာတ် မြင့်မားရေး၊အသိပညာ မြင့်မားစေ   ရေးစေတနာဖြင့် ပြောဆိုဆုံးမမှုများအား ကျေနပ်မှုမရှိ၍ယခုကဲ့သို့ ခြိမ်းခြောက်စာပေးပို့ခြင်း  ဖြစ်ကြောင်း သိရသည်။

 TNLA အဖွဲ့သည် ပလောင်လူမျိုး ကောင်းစားရေး ဒေသဖွံ့ဖြိုးရေး ဆောင်ရွက်နေသည်ဟုဆိုသော်လည်း TNLA အဖွဲ့၏ လုပ်ရပ်များမှာ ဒေသခံ ကချင်၊ ရှမ်း၊ ပလောင်၊ လီဆူး လူမျိုး ကလေးငယ်လေးများအား ပညာ ရေးနိမ့်ကျသထက် နိမ့်ကျအောင်၊ဒေသဖွံ့ဖြိုး တိုးတက်မှုနှောင့်နှေးအောင် ရည်ရွယ် လုပ်ဆောင်နေကြောင်း ၄င်းတို့ လုပ်ရပ်များက ဖော်ပြနေသည်ဟု ပလောင်လူမျိုးများအရေး လေ့လာသူ တစ်ဦး၏ ပြောပြချက်အရ သိရသည်။ 


From: အိုက်လော့

www.mmdailystar.com

0 comments:

Post a Comment

လွတ်လပ်စွာပြောဆို ရေးသားနိုင်ပါသည်။
မှတ်ချက်များကို မကြာမှီ ဖော်ပြပေးပါမည်။

Related Posts Plugin for WordPress, Blogger...