Friday, 19 September 2014

ကျွန်ုပ်လဲ ကာချုပ် လုပ်ချင်တယ်....



လူမျိုးစုအကျိုးအတွက်လို့အမည်ခံပြီး တိုက်ဂါးလိုကားဒရိုက်ဘာကလည်း ဗိုလ်မှူးကြီးဖြစ်၊ နှုတ်ခမ်းမွှေးလို လွယ်အိတ်တလုံးနဲ့ လျောက်သွားနေခဲ့တဲ့အရာခံဗိုလ်ကလည်း စစ်ဦးစီးချုပ်ဆိုလားဖြစ်၊ တသက်လုံးတောင်ပေါ်တောထဲမှာ ဘိန်းစိုက်နေခဲ့တဲ့ကောင်တွေကလည်း ငြိမ်းချမ်းရေး ရှန်ပိန်ဝိုင်းမှာမိန့်မိန့်ကြီးလုပ်။

အင်း .. ကန့်ဘလူသားကလည်း ဒါမျိုးဂွင်ကို စောင့်နေတာ။ ဒီလို ကလေကချေ စာမတတ်ပေမတတ် ဂဂျောင်တွေကတောင် လူတွင်ကျယ်လုပ်နေသေးတာပဲ။ ကိုယ်လည်း သွားဘက်ဆိုင်ရာ
ဆေးတက္ကသိုလ်တက်နေတာဆိုတော့ ဟုတ်သော်ရှိ မဟုတ်သော်ရှိ ဒေါက်တာဆိုတာလေးဘွဲ့ရရင် လုပ်စားမယ်။ ဆေးကုမယ်တော့ မထင်နဲ့။ လက်နက်ကိုင်တော်လှန်ရေးလုပ်မှာ။

ဒါပေမယ့် ရှေးအစဉ်အဆက်က အတိအချာတွေလို သူများနယ်မြေမှာတော့ သွားပြီး မမှီခိုဘူး။ တော်လှန်ရေးတခုတည်တံ့ဖို့ဆိုတာ အမာခံနယ်မြေလိုတယ်။ ဒီတော့ ကန့်ဘလူပြန်မယ်။ ကန့်ဘလူကို အခြေပြုမယ်။ ကိုယ်တို့ရပ်ကွက်ထဲက ပြည်သူ့ရဲဘော်လက်ကျန်ကြီးက လုပ်သေနတ် လုပ်တတ်တယ်။ ဒီလူကြီးကို တောအရက်အ၀တိုက်ပြီး သေနတ် နည်းနည်းလုပ်ခိုင်းရမယ်။ ပြီးတော့ မြို့ပေါ်က လူမိုက်တွေကို စည်းရုံးပြီး ကန့်ဘလူအရှေ့ဘက်တောင်ကြောတွေပေါ်မှာ သူပုန်ထမယ်။

ကန့်ဘလူလွတ်မြောက်ရေးတပ်မတော်Kanbalu Liberation Army(KLA)ဆိုပြီး ဖွဲ့မယ်။ များများစားစားတော့ ဘာမှ မလုပ်ပါဘူး။ တောင်ကြောပေါ်ဖြတ်သွားတဲ့ ကားတွေကို ဓါးပြတိုက်မယ်။ ဘိန်းနည်းနည်းစိုက်မယ်။ ရာမနည်းနည်းထုတ်မယ်။ ကိုယ့်တပ်ဖွဲ့ဝင်တွေကိုလည်း ထမင်းချိန်တန်ထမင်း၊ ဘိန်းချိန်တန်ဘိန်း၊ ဆေးချိန်တန်ဆေး၊ မိန်းမချိန်တန်မိန်းမ မပြတ်မလပ် ပေးကမ်းရက်ရောမယ်။ တပ်ဖွဲ့ဝင်အသစ်တွေ ၀င်လာမစဲ တသဲသဲပေါ့။

ဆိုရှယ်မီဒီယာဆိုတာ အင်အားတခုလိုဖြစ်နေတော့ facebookက ကိုယ့်အကောင့်ကို Fan Pageပြောင်းမယ်။ အင်တိုက်အားတိုက်လော်ဘီလုပ်မယ်။ ကိုယ်လည်း facebookဆီလီဘရီတီတွေနဲ့ ခင်နေတာပဲ။ လော်ဘီကိစ္စက အေးဆေးပါ။ ကိုရဲမိုးတို့ ဦးယောင်တို့ ကိုရဲကျော်သူရတို့ ကိုထူးဝေတို့ ကိုဥက္ကာကိုကိုတို့ ကိုသူရမျိူးတို့ ဆရာဆယ်တို့ ယဉ်ယဉ်နှောင်းတို့ကို နည်းနည်းပါးပါးဂါပြီး လော်ဘီခိုင်းရမှာပေါ့။

On Print သတင်းဂျာနယ်တွေနဲ့လည်း ချိတ်ရမယ်။ ဂျာနယ်တိုက်တချို့နဲ့လည်း ခင်နေတာပဲလေ။ စာမတတ်ပေမတတ် သူပုန်အကြီးအကဲတွေတောင် အပြောလေးတွေချောနေသေးတာပဲ။ ကိုယ်လို
ကောင်က မပြောတတ်စရာအကြောင်းမရှိဘူး။ဗကပကိုဗဆွေလေးလို ကျောက်ရုပ်တောင် ခေါင်းငြိမ်အောင်
ပြောနိုင်တဲ့အဆင့်ထိဖြစ်လာစေရမယ်။ သဘောတရားရေးရာစကားလုံးတွေ၊ စစ်ရေးအမြင်တွေ၊ လူပိန်းကြိုက်နိုင်ငံရေးလုပ်ကွက်တွေ၊ ပေါ်ပင်ရေစီးကန်ပိန်းတွေလုပ်မယ်။ မပူနဲ့ မပူနဲ့ .. မော်စီတုန်းတို့ လီနင်တို့ စတာလင်တို့ရဲ့ ကျမ်းတွေကို အလွတ်ကျက်ပစ်လိုက်မယ်။

ပြီးရင် KIAဂွမ်မော်လို တရုတ်နဲ့ကော အမေရိကန်နဲ့ကော ချိတ်မယ်။ ထမင်းဖိုးတောင်းမယ်။ စစ်သင်တန်းလာပေးခိုင်းမယ်။ DVBတို့ BBCတို့ ဧရာဝတီတို့ရောက်လာမှာတော့ အသေအချာပဲ။ သူတို့က အစိုးရကိုသာ ဆန့်ကျင်ပါစေ .. သူတောင်းစားလည်း အားပေးမှာပဲလေ။

တော်တော်လေး ခမ်းနားလာရင် ဦးအောင်မင်းတို့ရောက်လာမှာ မလွဲမသွေပဲ။ အဲဒီကျတော့ ငြိမ်းချမ်းရေးရှန်ပိန်ဝိုင်းတက်မယ်။ ကားလောက်နဲ့တော့ လာမခေါ်နဲ့နော်။ လေဒီပျံနဲ့
လာခေါ်မှ ငြိမ်းချမ်းရေးဆွေးနွေးပွဲတက်မှာ .. ဟွန်း။ ကားပါမစ်၊ မြေပါမစ်တွေ စီးပွားရေးလုပ်ပိုင်ခွင့်တွေ ယူမယ်။ ယူနီဖောင်းက တခြားသူပုန်အဖွဲ့တွေက ဦးစီးချုပ်တို့ တပ်မတော်စစ်ဦးစီးချုပ်တို့ထက်သာစေရမယ်။ ပုခုံးမှာ ကြယ်ကော လခြမ်းကော အခွေကော အခက်ကော အ၀ိုင်းကော အကုန်တပ်မယ်။ ရာထူးကို အားလုံးထက်သာအောင် မဟာ့မဟာဗိုလ်ချုပ်မှူးချုပ်ကြီး တပ်တော်ချုပ်ကြီးလို့ ပေးမယ်။ အခြေအနေကောင်းရင် အလှည့်ကျတပ်ချုပ်ဝင်လုပ်အုံးမှာလေ။

လက်နက်တော့ တစက်ချီးမှ အဖြုတ်မခံဘူးနော်။ ကန့်ဘလူကံကြမ္မာ ကန့်ဘလူသား ဖန်တီးပိုင်ခွင့်ပဲ။ ဒါပေမယ့် ပါတီတော့ ထောင်အုံးမယ်။ မဲမပေးရင် သေနတ်ကြည့်ထားပဲ။ သား၊သမီးတွေကိုတော့ သူပုန်မလုပ်ခိုင်းပါဘူး။ နိုင်ငံခြားကျောင်းထားမယ်။

ကိုယ် အသက်နည်းနည်းကြီးလာရင် စာအုပ်တွေဘာတွေ ရေးအုံးမှာ။ ကျနော်တည်ထောင်ခဲ့သောKLAနှင့် မမျှော်လင့်သောခရီးရှည် ဆိုပြီးပေါ့။ သား၊သမီးတွေကိုတော့ မှာထားရမယ်။ ငါသေရင် ကိုယ့်အဖေကို ဟိုအဘွားကြီးလိုတော့ အသုံးမချကြနဲ့။ ဖေဖေတည်ထောင်ခဲ့တဲ့ KLAကြီးလို့ တတွတ်တွတ်မပြောနဲ့ပေါ့။
ကန့်ဘလူမြို့ လေးဘက်လေးလံဝင်ပေါက်တွေမှာ မဟာ့မဟာဗိုလ်ချုပ်မှူးချုပ်ကြီး တပ်တော်ချုပ်ကြီး ဒေါက်တာဥက္ကာရွှေဝင်းဆိုပြီး စာတန်းကြီးတပ်ပြီး ပေ100လောက်မြင့်တဲ့ ရုပ်ထုကြီးတွေ ထုပစ်လိုက်အုံးမယ်။

အဖွဲ့ဝင်ချင်တဲ့လူတွေ စာရင်းကြိုပေးထားနော်။ ကိုယ့်တပ်ဖွဲ့စည်းပုံမှာ .. ရဲဘော်မရှိဘူး။ အနိမ့်ဆုံးရာထူးက တပ်ရင်းမှူးလည်ဗယ် ဒုတိယဗိုလ်မှူးကြီးရာထူးပဲ။ ဟမ်း ဟမ်း။ ဒါပေမယ့် ကိုယ်က မဟာ့မဟာဗိုလ်ချုပ်မှူးချုပ်ကြီး တပ်တော်ချုပ်ကြီး ဒေါက်တာဥက္ကာရွှေဝင်းဆိုတော့ ကိုယ်က အာဏာအရှိဆုံး ဆရာ့ဆရာကြီးအဖြစ်ဆုံး အကြီးဆုံးပဲ။ ဒါပဲ။ ၀င်ချင်ဝင် မ၀င်ချင်နေ။

 ဒီငြိမ်းချမ်းရေးဆွေးအပြီး ၂၀၁၅ မှာ ကျုပ်က အလှည့်ကျ ကာချုပ်လုပ်ချင်သေးတာဗျ ။

အချိန်မီလေး ကျုပ်ကို ဆက်သွယ်ကြ ။ ကာချုပ်မဟုတ်တောင် ဗိုလ်ချုပ်ကြီး လောက်တော့
ပေးနိုင်ပါသေးတယ် ..ဟဲဟဲ ။

ကာချုပ် ရာထူး က တော့ ကျွန်ုပ်အတွက်ပဲနော်....ဟဲ...ဟဲ...ဟဲ...



From: ဥက္ကာရွှေဝင်း

www.mmdailystar.com

0 comments:

Post a Comment

လွတ်လပ်စွာပြောဆို ရေးသားနိုင်ပါသည်။
မှတ်ချက်များကို မကြာမှီ ဖော်ပြပေးပါမည်။

Related Posts Plugin for WordPress, Blogger...