Tuesday, 21 October 2014

အီတလီလုပ်ငန်းရှင်များ မြန်မာနိုင်ငံတွင် ယုံကြည်စွာ လာရောက်ရင်းနှီးမြှုပ်နှံရန် ဦးသိန်းစိန် ဖိတ်ကြား

အီတလီဝန်ကြီးချုပ်နှင့် သမ္မတဦးသိန်းစိန် အာရှ-ဥရောပဆွေးနွေးပွဲတွင် တွေ့ဆုံနှုတ်ဆက်နေစဉ်(Daniel Dal Zennaro/ REUTERS)
 
 
မြန်မာနိုင်ငံတွင် နိုင်ငံ တကာရင်းနှီးမြှုပ်နှံသူများကို ကာ ကွယ်စောင့်ရှောက်သည့် ဥပဒေ များ ပြဋ္ဌာန်းထားပြီး စီးပွားရေးစိန်ခေါ်မှုများကို နိုင်ငံတကာမိတ်ဆွေ များနှင့် လက်တွဲဖြေရှင်းလိုသော ကြောင့် အီတလီလုပ်ငန်းရှင်ကြီး များ မြန်မာနိုင်ငံသို့ ယုံယုံကြည် ကြည်ဖြင့် လာရောက်ရင်းနှီးမြှုပ် နှံရန် သမ္မတ ဦးသိန်းစိန်က ဖိတ် ခေါ်ကြောင်း သတင်းရရှိသည်။


အီတလီနိုင်ငံ၊ တူရင်မြို့တွင်အီတလီထိပ်သီးစီးပွားရေးလုပ် ငန်းရှင်ကြီးများနှင့် အောက်တို ဘာ ၁၉ ရက်က သီးသန့်တွေ့ဆုံ ပွဲတွင် သမ္မတက ယင်းသို့ ဖိတ်ခေါ်ခဲ့ခြင်းဖြစ်ကြောင်း ခရီးစဉ်တွင် လိုက်ပါသွားသူ ပြည်ထောင်စုဝန် ကြီး ဦးရဲထွဋ်က ပြောကြားသည်။
လက်ရှိတွင် အမေရိကန်၊ ဥရောပသမဂ္ဂအပါအ၀င် နိုင်ငံအ များစုမှာ မြန်မာနိုင်ငံတွင် ရင်းနှီး မြှုပ်နှံရန်အတွက် ၂၀၁၅ ရွေး ကောက်ပွဲရလဒ်ကို စောင့်ကြည့် နေသည်။ ထို့ပြင် နိုင်ငံရေးခေါင်း ဆောင်များကြား အားပြိုင်မှုများ နှင့် ညှိနှိုင်းမှုမရှိသေးသည့် အခြေ အနေများ၊ အငြင်းပွားဖွယ် ဖွဲ့ စည်းပုံအခြေခံဥပဒေပြင်ဆင်ရေး အပါအ၀င် မြန်မာနိုင်ငံရေးအ ပြောင်းအလဲမှာ အကျပ်အတည်း ဖြစ်လာနေကြောင်း ပြည်တွင်းနိုင် ငံရေးအင်အားစုများက သုံးသပ် ပြောကြားလာပြီ ဖြစ်သည်။


သို့သော် မြန်မာအစိုးရသက် တမ်း သုံးနှစ်ခွဲအတွင်း စိန်ခေါ်မှု နှင့် အကျပ်အတည်းများကို ရင် ဆိုင်နေရသော်လည်း နောက် ကြောင်းပြန်လှည့်ရန်မရှိသည့်အ တွက် အီတလီလုပ်ငန်းရှင်များအ နေဖြင့် မြန်မာ့နိုင်ငံရေးအပေါ် စိတ်ပူပန်ရန်မလိုကြောင်း သမ္မတက ဥရောပစီးပွားရေးသမားများကို ပြောကြားခဲ့သည်။
‘‘မြန်မာနိုင်ငံရဲ့ လူမှုစီးပွား ရေးဘ၀ ဖွံ့ဖြိုးတိုးတက်အောင် ကူညီဆောင်ရွက်ပေးတာဟာ မြန်မာနိုင်ငံရဲ့ ဒီမိုကရေစီအသွင် ကူး ပြောင်းရေးဖြစ်စဉ် အောင်မြင် အောင် ကူညီပေးတာပဲ ဖြစ်တယ်။ဒါကြောင့် မြန်မာပြည်သူများရဲ့ လူမှုစီးပွားရေးဘ၀ ဖွံ့ဖြိုးတိုးတက်စေဖို့ လာရောက်ရင်းနှီးမြှုပ်နှံဖို့ သမ္မတက ပြောပါတယ်’’ဟု ဦးရဲ ထွဋ်က ပြောသည်။
သမ္မတ ဦးသိန်းစိန်သည် အာရှ-ဥရောပထိပ်သီးဆွေးနွေးပွဲသို့ တက်ရောက်ခဲ့ပြီး အစည်းအဝေး အပြီး အီတလီနိုင်ငံတွင်း ခရီးစဉ် တွင် စီးပွားရေးလုပ်ငန်းရှင်များနှင့် တွေ့ဆုံခဲ့သည်။ ထို့ပြင် မြန်မာနိုင် ငံတွင် လာရောက်ရင်းနှီးမြှုပ်နှံရန် ရှိသည့် အီတလီလျှပ်စစ်ဓာတ် အားထုတ်လုပ်ဖြန့်ဖြူးသည့် IREN ကုမ္ပဏီသို့လည်း သွားရောက် လေ့လာခဲ့သည်။


အီတလီစက်မှုလုပ်ငန်းများ ရှိသည့်မြို့များအနက် အကြီးဆုံး မြို့ဖြစ်သည့် တူရင်မြို့မှ မြို့တော် ၀န် မစ္စတာပရီရိုဖက်ဆီနိုနှင့် ကိုယ်စားလှယ်အဖွဲ့ မြန်မာနိုင်ငံသို့ ၂၀၁၅ နှစ်ဆန်းပိုင်းတွင် လာရောက် မည် ဖြစ်ပြီး ရန်ကုန်မြို့နှင့် တူရင်မြို့တို့ကို ညီအစ်မမြို့အဖြစ် တည်ထောင်ရေး ယခုခရီးစဉ်အတွင်း ဆွေးနွေးခဲ့သည်ဟု နိုင်ငံတကာသတင်းများက ဖော်ပြသည်။ ထို့ပြင် တူရင်အခြေစိုက်စီးပွားရေးလုပ် ငန်းရှင် ကိုယ်စားလှယ်အဖွဲ့ မြန်မာနိုင်ငံသို့လာရောက်၍ ရင်းနှီးမြှုပ်နှံမှု အလားအလာများဆွေးနွေးရန်ရှိပြီး တူရင်တက္ကသိုလ်နှင့် မြန်မာနိုင်ငံစက်မှုတက္ကသိုလ်၊ နည်း ပညာတက္ကသိုလ်များအကြား ပူးပေါင်း ဆောင်ရွက်ရေး၊ ထူးချွန်ကျောင်းသားများကို ပညာတော်သင်အဖြစ် လက်ခံရေး၊ တူရင်အခြေစိုက် နည်းပညာကောလိပ် များ၊ သက်မွေးပညာကျောင်းများသို့ မြန်မာပညာတော်သင်များစေလွှတ်ရေးတို့ သဘောတူခဲ့ကြောင်း နိုင်ငံပိုင်သတင်းစာများက ဖော် ပြထားသည်။


ယခုခရီးစဉ်အတွင်း IREN အပါအ၀င် အီတလီစီးပွားရေး လုပ်ငန်းရှင်များနှင့် တွေ့ဆုံမှုတွင် ချင်းပြည်နယ်ဝန်ကြီးချုပ် ဦးဟုန် ငိုင်းလည်း ပါဝင်ရာ ချင်းပြည်နယ်အတွင်း လျှပ်စစ်ဓာတ်အားဖြန့် ဖြူးရေးနှင့် သယံဇာတတူးဖော် ရေးလုပ်ငန်းများကို အီတလီလုပ် ငန်းရှင်များနှင့် ဆွေးနွေးခဲ့ဖွယ်ရှိ ကြောင်း သတင်းရရှိသည်။

From:7day

www.mmdailystar.com

0 comments:

Post a Comment

လွတ်လပ်စွာပြောဆို ရေးသားနိုင်ပါသည်။
မှတ်ချက်များကို မကြာမှီ ဖော်ပြပေးပါမည်။

Related Posts Plugin for WordPress, Blogger...