Monday, 6 October 2014

ဗိုက်အငှားမိခင်


လွန်ခဲ့သည့် နှစ်ပေါင်း (၃၀) ခန့်က ဟောလီးဝုဒ် ရုပ်ရှင် ဇာတ်ကား တစ်ကားကို မှတ်မှတ် ရရ ကြည့်ခဲ့ရ ဖူးပါသည်။ ထိုကား၏ အမည်မှာ “ဘရာဇီးလ် မှ ယောက်ျား ကလေးများ”” (The boys from Brazil) ဖြစ်၏။ ဒုတိယ ကမ္ဘာစစ်ကြီး နောက်ပိုင်း ဂျာမနီ နိုင်ငံမှ အာဏာရှင် ဟစ်တလာ ရှုံးနိမ့်ခါနီးတွင် သူ၏ ဗိုလ်ချုပ်ကြီးများက ဟစ်တလာ မရှိသည့် တိုင်အောင် သူ၏ ကိုယ်ပွား မျိုးဆက် တည်တံ့ပြီး အာဏာပြန်ရရေး အတွက်၊ သူ၏ မျိုးစေ့ဗီဇ (သွေးသား) ကို မျိုးချစ်စိတ် ပြင်းထန်သော ဂျာမန်မများ၏ သားအိမ် အတွင်းသို့ ထည်းသွင်းကာ ဘရာဇီးလ် တောတွင်း တစ်နေရာ၌ ယောက်ျား ကလေးများ မွေးဖွားစေပြီး အခြား နိုင်ငံများသို့ ဖြန့်ချိ ထားသည့် ဇာတ်လမ်း ဖြစ်သည်။ ဤကဲ့သို့ သူတစ်ပါး၏ သား/သမီး မျိုးစေ့ကို မိမိ၏ သားအိမ် အတွင်း၌ လက်ခံပြီး ပဋိသန္ဓေ တည်စေကာ ကိုးလ လွယ်ပြီး မွေးဖွားပေးသူ အမျိုးသမီးများကို ဗိုက်ငှား မိခင်များ (Surrogate mothers) ဟု ခေါ်ဆိုကြပါသည်။

ယခု လောလောဆယ်တွင် ပြသဆဲ ဖြစ်သော ကိုရီးယားနိုင်ငံ KBS-World ရုပ်မြင်သံကြားမှ ထုတ်လွှင့်နေသော “မိခင်နှစ်ဦး” (Two Mothers) ဇာတ်လမ်းတွဲမှာ ဗိုက်ငှား ကိုယ်ဝန် ဆောင်ပေးသူ အမျိုးသမီးက သူ၏ ဗိုက်အား ငှားသော လင်မယားအား ကလဲ့စား ချေသော ဇာတ်လမ်း ဖြစ်သည်။ အဆိုပါ လင်မယားတွင် ခင်ပွန်းဖြစ်သူမှာ တစ်ချိန်က သူ၏ ရည်းစား ကိုလူပွေ ဖြစ်ပြီး ဇနီးဖြစ်သူ မှာလည်း သူ၏ ငယ်သူငယ်ချင်း ဖြစ်ကာ သူ၏ အစ်ကိုနှင့် သမီး တစ်ယောက် တိတ်တိတ်ပုန်း မွေးဖွားခဲ့သူ ဖြစ်၏။ ဇနီးဖြစ်သူ၏ ငွေရှင် ကြေးရှင် မိဘများက သူတို့ကို ဇွတ်အင်အား သုံး၍ ခွဲရာ၌ အစ်ကို ဖြစ်သူမှာ နောက်မှ လိုက်ရာတွင် မော်တော်ဆိုင်ကယ် တိမ်းမှောက်ပြီး ကွယ်လွန် ခဲ့သော်လည်း ထိုမိဘများက လာရောက် ကြည့်ရှု တောင်းပန်ခြင်း မပြုသည့် အပြင် မြေကလေးအား လည်း လာရောက် စောင့်ရှောက်ခြင်း မရှိသဖြင့် အကြီးအကျယ် စိတ်နာခဲ့သည်။ ထိုဇာတ်လမ်းတွဲ မှာ ပြသဆဲ ဖြစ်သဖြင့် ဤစာရေးချိန် အထိ အဆုံး မသတ်သေးပါ။

ဗိုက်ငှား မိခင်များ၏ မူလ ဖြစ်ပေါ်မှုမှာ အထက်ပါ ဇာတ်လမ်းများ ကဲ့သို့ ရှုပ်ထွေး ပွေလီခြင်း မရှိသည် သာမက လူသားခြင်း စာနာမှုဖြင့် မွန်မြတ်သော လုပ်ရပ် ဖြစ်ပါသည်။ ဇနီးဖြစ်သူက သားသမီး ကိုယ်ဝန်ဆောင်ခြင်း မရှိသဖြင့် ခင်ပွန်းသည်က ဆရာဝန် အကူအညီယူ၍ ကျား၊ မ နှစ်ဦး၏ သန္ဓေမျိုးစေ့များကို ဓာတ်ခွဲခန်းတွင် ပေါင်းစပ် သန္ဓေတည်စေပြီး ဗိုက်ငှားမိခင်၏ သားအိမ် အတွင်းသို့ ထည့်ပေးခြင်း ဖြစ်သည်။ ဗိုက်ငှား မိခင်သည် ယင်းသန္ဓေကို မိမိ၏ သား၊သမီး လောင်းသဖွယ် ကိုးလ လုံးလုံး ကာကွယ် စောင့်ရှောက် ပေးခဲ့ပြီး အချိန်တန်၍ မွေးဖွားပြီးသည့် အခါ ကာယကံရှင် ဇနီးမောင်နှံသို့ မွေးစ ကလေးငယ်ကို ပေးအပ်ရသည်။ ဤကဲ့သို့ ဆောင်ရွက်ပေးမှု အတွက် ဗိုက်ငှားမိခင်ကို ငွေကြေး ထောက်ပံ့ပေးကြ လင့်ကစား ယင်းကိစ္စကို ငွေကြေးဖြင့် မတိုင်းတာအပ်ပေ။ အဆိုပါ ကိုယ်ဝန်ကို စောင့်ရှောက်ရသည့် တာဝန်နှင့် ဒုက္ခသည် ကြီးမားလွန်း လှသဖြင့် သားသမီး ရှိပြီးသော မိခင်တိုင်း နားလည် နိုင်ပါသည်။ ယခုကဲ့သို့ ဗိုက်ငှား ကိစ္စတွင်လည်း မိမိ၏ဗီဇ မဟုတ်သည့် တိုင်အောင် မိမိ၏ သားသမီးလောင်း သဖွယ် ဂရုစိုက်ကြရသည့် အပြင် သန္ဓေသားအား မိမိ၏ သွေးသားထဲမှ ဖဲ့၍ ကျွေးမွေး ကြရသည်သာ ဖြစ်၏။ ထိုသို့ မေတ္တာ စေတနာဖြင့် ကိုးလ ဒုက္ခခံခဲ့ရသော သန္ဓေသား မှာ ဗီဇမှ တစ်ပါး မိမိ၏ သွေးသားပင် ဖြစ်ရာ ကလေးကို ပေးအပ် ရသည့်အခါ အနည်းနှင့် အများ စိတ်ဆင်းရဲရှာ ကြမည်မှာ သေချာပါသည်။

သို့သော် ဤကဲ့သို့ မွန်မြတ်သော ကိစ္စမှာ နိုင်ငံ တစ်နိုင်ငံချင်း၏ ဥပဒေအရ တရားဝင် ကောင်းမှ ၀င်ပါမည်။ တရားဝင် ကိစ္စ ဖြစ်ပါကလည်း ဥပဒေ စည်းမျဉ်းများဖြင့် ကန့်သတ် ထားရှိသင့်ပြီး တင်းကျပ်စွာ ကြီးကြပ်ရန် လိုပါမည်။ သို့ရာတွင် ယခု တလော၌ ပြည်ပမှ လာရောက်သူ ပုဂ္ဂိုလ်အချို့ ထိုင်းနိုင်ငံ၏ သဘော ကောင်းမှုများကို အခွင့်ကောင်း ယူကာ အမြတ် ထုတ်သော ကိစ္စမျိုး လူသိရှင်ကြား ပေါ်ပေါက်လာသဖြင့် ဖတ်ရှု နားထောင်ရသူများ အဖို့ အံ့သြ ကုန်ကြသည် သာမက ထိတ်လန့်တကြား ဖြစ်ကုန်ကြပါသည်။

ပထမ သတင်းတစ်ပုဒ်မှာ သြစတြေးလျ နိုင်ငံ အနောက်ပိုင်း နယ်တစ်နယ်မှ ဒေးဗစ်ဖာနယ် (David Farmell) ဆိုသူ၏ လုပ်ရပ် ဖြစ်၏။ သူအသက် ငါးဆယ်ကျော်ချိန် တွင် သူတို့ ဇနီးမောင်နှံ သည် နောက်ထပ် ကလေး လိုချင်ကြပြန်၏။ ထို့ကြောင့် ဗိုက်ငှားမည်သူ လိုက်ရှာရာ၌ ထိုင်းနိုင်ငံ ဘန်ကောက်မြို့၏ အရှေ့တောင်ဘက် ပတ္တရား ပင်လယ် ကမ်းခြေ မရောက်မီ စီရာချ (Si Racha) အရပ်မှ အသက် (၂၀) အရွယ် ပတ်ထရာမွန် ဆိုသူ မုန့်သည် တစ်ဦးအား တွေ့ရှိခဲ့သည်။ ဤသို့ဖြင့် ဗိုက်ငှားကိစ္စ ဆောင်ရွက်ကြရာတွင် ဗိုက်ငှားမိခင်မှာ သန္ဓေသား တစ်ဦး သာမက အမြွှာပူးကို ကိုယ်ဝန်ဆောင် နေရကြောင်း သိရှိကြရသည်။ အမြွှာပူးမှာ သားယောက်ျား နှင့် သမီး မိန်းကလေး ဖြစ်လျက် စစ်ဆေးသည့် အခါ သားယောက်ျားလေး မှာ ဦးနှောက် ကျပ်မပြည့် သည့် ရောဂါ (Down Syndrome) ရှိနေကြောင်း တွေ့ကြရသည်။ ဤရောဂါ ရှိပါက ကလေးငယ်၏ မျက်နှာမှာ သာမန် မဟုတ်တော့ဘဲ ရုပ်ပျက် ဆင်းပျက် ဖြစ်တတ်ပါသည်။ မမွေးဖွားမီ ပတ်ထရာမွန်အား ကိုယ်ဝန်ဖျက်ချရန် အကြံ ပေးကြသော်လည်း ဗုဒ္ဓဘာသာဝင် ပီပီ ဤကိစ္စမျိုးကို မကျူးလွန် လိုသဖြင့် သာမန်အတိုင်း မွေးဖွားခဲ့၏။ ဖာနယ်တို့ လင်မယားသည် ကလေးနှစ်ဦး အနက် ကျန်းမာသော မိန်းကလေးကိုသာ ယူပြီး တကျော့တည်း ပြန်သွားခဲ့ရာ ပတ်ထရာမွန် မှာ ကျပ်မပြည့်သော သားကလေးနှင့် ကျန်ရစ် ခဲ့ရရှာသည်။ ဤသို့ ကျပ်မပြည့်သည့် အပြင် ရုပ်ဆင်းမလှသော ကလေး ကို တစ်သက်တာလုံး ပြုစု စောင့်ရှောက် ရမည့် ကိစ္စမှာ ပတ်ထရာမွန်ကဲ့သို့ လူဆင်းရဲ အဖို့ လွန်စွာ ခက်ခဲလှသည် ဖြစ်ရာ ဤသတင်းကြားရသူ ထိုင်းလူမျိုးများက အလုံးအရင်း နှင့် ငွေကြေး ထောက်ပံ့ကြောင်း ကြားသိရသည် ဖြစ်ရာ သာဓု ခေါ်မိပါသည်။ တကယ်တော့ မူလ ဖခင်ဖြစ်သူ ဖာနယ်မှာ အစကတည်းက အပြစ်ကင်းသူ မဟုတ်ပါ။ သူ၏ သက်တမ်း တစ်လျှောက် ကလေးငယ်များကို လိင်ဆက်ဆံမှု အကြိမ်ကြိမ် ကျူးလွန်ခဲ့ဖူးသူ ဖြစ်ပြီး ၁၉၉၀ ပြည့်နှစ်များက အိမ်နီးချင်း ကလေးများ အပေါ် ကျူးလွန်ခဲ့သော အမှုများဖြင့် တရား ဥပဒေ၏ ပြစ်ဒဏ်ပေးခြင်း ခံရသူလည်း ဖြစ်သည်။ သူတို့၏ အမှုများမှာ ဟိုးလေး တကြော်ကြော် ဖြစ်ခဲ့ရာ စစ်တပ်မှာ အာဏာသိမ်း ခေါင်းဆောင် ဗိုလ်ချုပ်ကြီး ပရာယုသ် ပင်လျှင် မွန်မြတ်သော ကိုယ်ဝန် အငှားဆောင်မှုသည် စီးပွားဖြစ် လုပ်ငန်းများ၊ လောဘကြီးမှု၊ အမြတ်ထုတ်မှု စသည်တို့၏ ဒဏ်ကို ခံနေရကြောင်း သဘောပေါက်သွားရာ ဒုတိယ တင်ပြမည့် ဖြစ်စဉ်တွင် ပိုမို ထင်ရှားမည် ဖြစ်ပါသည်။

ဒုတိယ ဖြစ်စဉ်မှာ မစ်စုတိုကီ ရှီဂဲတ (Mitsutoki Shigeta) ဆိုသူ ဂျပန် လူထူး လူဆန်း မွှေနှောက် သွားသော အကြောင်း ဖြစ်သည်။ သြဂုတ်လ (၅) ရက်နေ့က ထိုင်းရဲတပ်ဖွဲ့ သတင်းအရ ဘန်ကောက်မြို့ လက်ဖရောင် (Lad Phtrao) ရပ်ကွက်ရှိ ကွန်ဒိုမီနီယံ တိုက်ခန်းတစ်ခုကို ရုတ်တရက် ၀င်းရောက် စီးနင်းရာ ဗိုက်ငှား မိခင်များ မွေးဖွားပေးခဲ့သော ကလေးငယ် တစ်ဒါဇင်ခန့်ကို အထိန်း အမျိုးသမီးများ နှင့် အတူ တွေ့ကြရသည်။ ၎င်းကလေးငယ် များသည် ရှီဂဲတ နှင့် ပတ်သက် နေကြောင်း သတင်း ရရှိခဲ့ကြပြီး ဖြစ်၏။ ယင်းသို့ စီးနင်းရာ၌ ရှီဂဲတကို လက် ပူးလက်ကြပ် မမိလိုက်သော် လည်း ရှီဂဲတက မကြာမတင် မကာအို (Marcao) သို့ လေယာဉ်ပျံဖြင့် လစ်ထွက် သွားခဲ့သည်။ ယင်းနောက်ပိုင်း ရှီဂဲတ၏ အစအနကို ရှာမတွေ့ခဲ့ပါ။ မူလ သတင်းရသည်မှာ ရှီဂဲတသည် နှစ်စဉ်သူ၏ သွေးသားဖြင့် ကလေး တစ်ဒါဇင်ကျော် ကို ဗိုက်အငှားဖြင့် မွေးဖွားစေပြီး ထိုင်းနိုင်ငံမှ ခိုးထုတ်ရန် စီစဉ်ကြောင်း ဖြစ်သော်လည်း ဤကိစ္စ အတွက် အထောက် အထား မတွေ့ရသေးပါ။ သို့တစေ ရှီဂဲတ ဘာကြောင့် ဤသို့ လှုပ်ရှားရခြင်းကို သိလိုစိတ်ဖြင့် နောက်ယောင် ခံလိုက်လျက် ရှိပါသည်။

ရှီဂဲတ နှင့် ဆက်သွယ် ခဲ့ကြသော ဗိုက်အငှား ပွဲစားများက ရှီဂဲတ သည် ကလေးများ ရရှိအောင် တစိုက် မတ်မတ် လှုပ်ရှားနေသော လူထူး လူဆန်း ဖြစ်သည်ဟု ဆိုကြ၏။ မိမိ၏ ဗိုက်ဖြင့် အငှား ကိုယ်ဝန်ဆောင်သော ဗိုက်အငှား မိခင်များသည် ရှီဂဲတ၏ ကလေးများကို သားအိမ် အတွင်း၌ လွယ်ခြင်းအားဖြင့် အဖိုးအခ အဖြစ် ထိုင်းဘတ် သိန်းချီ (မြန်မာ ကျပ်သန်းချီ) ရကြ၏။ ရှီဂဲတ သည် စီးပွားရေးသမား ဖြစ်ဟန်တူပြီး လူတွေ့ခံလေ့ မရှိသော်လည်း လူယောင်ပြသည့် အခါတွင် ယဉ်ကျေးသော ပုံမှန် အမျိုးသားတစ်ဦး ဖြစ်သည်ဟု ပြောကြ၏။

အထက် ဖော်ပြပါ ကွန်ဒိုမီနီယံ တိုက်တွင် စီးနင်ခဲ့စဉ် က တွေ့ခဲ့ရသော ကလေးများ အနက် တစ်ဦး အတွက် ဗိုက်ငှားခဲ့သော အမျိုးသမီး တစ်ယောက်မှာ အသက် (၂၁) နှစ် ရှိပြီး ရှီဂဲတ က သူ့အား ဗိုက်ငှားမည် ဆိုပါက တစ်လလျှင် ဘတ်တစ်သောင်း ကိုးထောင် (မြန်မာငွေကျပ် ခြောက်သိန်းခန့်) ပေးမည်ဖြစ်ပြီး တစ်လုံး တစ်ခဲ ငွေအဖြစ် ဘတ်သုံးသိန်း (မြန်မာ ငွေကျပ် ကိုးသန်းခန့်) ပေးမည်ဟု ပြောကာ ငှားရမ်းခဲ့ကြောင်း၊ ကိုယ်ဝန် နှစ်လ ရှိချိန်တွင် ကိုယ်ဝန်ကို အသံလှိုင်း ဓာတ်ပုံ (Ultrasound) ရိုက်ရန် လာစဉ်က ခပ်ရိုးရိုးပင် တီရှပ်နှင့် ဘောင်းဘီတို ၀တ်ထားကြောင်း၊ သို့သော် သူ၏ နောက်ကြောင်းကို ပြောဆိုခြင်း မရှိကြောင်း ဖြေကြားခဲ့သည်။ နောက် ကိုယ်ဝန် ခုနစ်လ ရချိန်တွင် ရှီဂဲတ ပေါက်ချလာပြီး ကလေး မွေးဖွားမည့် ဆေးခန်း နှင့် အစီအစဉ်များ ပြုလုပ်ကာ ဗိုက်ငှားမိခင်၏ ကျန်းမာရေးကို ပုံမှန် စစ်ဆေးရုံမှ တစ်ပါး စကား ပြောဆိုခြင်း မရှိခဲ့ပေ။ သို့သော် ကလေး မွေးဖွားရာတွင် ရှီဂဲတ သည် အတူရှိနေပြီး သူနှင့် ကလေးကို လတ်ပရောင် ကွန်ဒို ခေါ်လာခဲ့သည်။ ယင်းကွန်ဒို တွင် လေးရက်မျှ နေပြီး နောက်ပိုင်းတွင် ရှိဂဲတ နှင့် ကလေးများ ကို မတွေ့ရတော့ပေ။ ဤအရှုပ်တော်ပုံ တွင် ရဲအရာရှိဟောင်း တစ်ဦး ပါဝင်ခဲ့သော် လည်း ကွန်ဒို အခန်းကို ၀င်ရောက် စီးနင်းပြီးသည့် နောက်ပိုင်းတွင် ရှောင်ဖယ်ဖယ် လုပ်လျက်ရှိ၏။ သို့သော် သူ၏ လုပ်ဖော် ကိုင်ဖက် တစ်ဦး၏ နေအိမ် မိသားစု ဇယားတွင် ကလေးငယ် (၂၁) ဦးအား ထည့်သွင်း ထားခဲ့ရာ အားလုံး လိုလို ထိုင်းနိုင်ငံမှ ခေါ်ထုတ် သွားပြီးပုံ ရပါသည်။

ကောလာဟလ သတင်းတစ်ခု အရ ရှိဂဲတ ၏ ဖခင်မှာ ဂျပန်နိုင်ငံတွင် ကုဋေကြွယ် သူဌေးတစ်ဦး ဖြစ်ကြောင်း၊ ရှိဂဲတ ကိုယ်တိုင်လည်း ကမ္ဘောဒီးယား နိုင်ငံ၌ သွင်းကုန်၊ ထုတ်ကုန်၊ တိုက်တာ ရောင်းဝယ်သည့် ကုမ္ပဏီ ငါးခုတွင် ညွှန်ကြားရေးမှူး ရာထူး ယူထားကြောင်း သိရသည်။ ယခု ရက်ပိုင်းအတွင်း ရှိဂဲတသည် ဂျပန် နိုင်ငံသို့ ပြန်ရောက်ပြီး အစစ်ခံရန် အတွက် သူကိုယ်တိုင် ထိုင်းနိုင်ငံသို့ ပြန်မလာဘဲ သူ၏ ရှေ့နေမှ တစ်ဆင့် သူ၏ မျိုးရိုးဗီဇ (ဒီအင်အေ)(DNA) ကို ရဲတပ်ဖွဲ့သို့ ပေးပို့သော်လည်း ထိုင်း ရဲတပ်ဖွဲ့မှ လူကိုယ်တိုင် လာရောက် စစ်ဆေးခံ ပေးအပ်ရန် တောင်းဆို ထားပါသည်။

ဤကိစ္စများ နှင့် ပတ်သက်၍ လက်ရှိ စစ်အစိုးရက ဗိုက်ငှားသည့် စနစ်ကို ပြင်းပြင်း ထန်ထန် အရေးယူရန် ပြင်ဆင်လျက် ရှိရာ သြစတြေးလျ မှ လာရောက် ငှားရမ်းသော ကိုယ်ဝန်ဆောင်ဆဲ နှင့် မွေးဖွားပြီး ကလေး (၁၅၀) ခန့်ရှိသည်ဟူသော သတင်း ထွက်ပေါ်လာ၏။ သြတြေးလျ အာဏာပိုင်များ က ဤကလေးများ ကို သူ့နိုင်ငံသို့ ပြန်လည် ထုတ်ယူ ခွင့်မပြုပါက သူ့နိုင်ငံသား မိဘများ အခက် ကြုံမည့်အပြင် ထိုင်းနိုင်ငံရှိ ဗိုက်ငှား မိခင်တို့လည်း တိုးလိုး တန်းလန်းနှင့် ဒုက္ခရောက်ကြမည့် အရေး စိုးရိမ်ကြောင်း ပြောဆို လာသည်ဟု သိရ၏။ ယင်း ဗိုက်အငှား ပြဿနာသည် သာမန် လူသားချင်း စာနာသော လူမှုရေး ကူညီမှုထက် ဆေးခန်းများ၊ ပွဲစားများ တရားဝင် စာရွက် စာတမ်း ပြုစု ပေးသူများနှင့် အဂတိ လိုက်စားသော အစိုးရ ၀န်ထမ်းများ ပါဝင်သည့် စီးပွားရေး လုပ်ငန်းတစ်မျိုး အသွင် ပြောင်းလဲပြီ ဖြစ်ရာ အခြေအနေကို ထိန်းသိမ်း နိုင်ရန် အတွက် လက်ရှိ စစ်အစိုးရက ဥပဒေ တစ်ရပ် ပြဋ္ဌာန်းရန် ရေးဆွဲလျက် ရှိပါသည်။ ဤတွင် ထိုင်းနိုင်ငံရှိ ပညာတတ် အသိုင်းအ၀ိုင်းက လက်ရှိ ရေးဆွဲနေသော ဗိုက်ငှား ဥပဒေ (Surrogate) တွင် ယင်းကိစ္စနှင့် ပတ်သက်သော ဆေးခန်းများအား ပိတ်ပင်ပါက တရားမ၀င် မှောင်ခို လုပ်ငန်းအဖြစ် ဆက်လက် လုပ်ကိုင် နေကြမည်ကို စိုးရိမ်ကြောင်း ပြောဆို လာကြသည်။ အထူးသဖြင့် ဗိုက်ငှား မိခင်တို့ ရရှိမည့် အခွင့်အရေးများ ဆုံးရှုံးမည်။ ကျန်းမာရေး စောင့်ရှောက်မှုများ လစ်ဟင်း လာမည်ကို စိုးရိမ်ကြသဖြင့် အဖက်ဖက် မှ စဉ်းစားကာ သတိကြီးစွာထားပြီး ဥပဒေ ပြဋ္ဌာန်းရန် တိုက်တွန်းလျက် ရှိသည်။

စာရေးသူတို့၏ နိုင်ငံတွင် ဤသို့ ဗိုက်ငှား ကိစ္စကို ထင်ထင် ရှားရှားဖြစ်စေ ပုန်းလျှိုး ကွယ်လျှိုး ဖြစ်စေ၊ လုံးဝ မကြားရ ဖူးသော်လည်း ယင်းကိစ္စများ လုံးဝမရှိဟု တစ်ထစ်ချ မပြောနိုင်သေးပါ။ အထူးသဖြင့် နိုင်ငံ ပွင့်လင်းလာပြီး နိုင်ငံခြားသားများ အ၀င်အထွက် များလာသည့် အခါ ယင်း အကြံအစည်ဖြင့် လာသူများ ရှိနိုင်ပါသည်။ သို့ပါ၍ ကျန်းမာရေး ကဏ္ဍနှင့် လူမှုရေး ကဏ္ဍတို့တွင် တာဝန် ရှိသူများသည် ယခု ကတည်းက သတိ ၀ီရိယဖြင့် စောင့်ကြည့် သင့်ကြောင်း တင်ပြ အပ်ပါသည်။

From: ဒေါက်တာမြင့်သိန်း (Assumption University)

www.mmdailystar.com

0 comments:

Post a Comment

လွတ်လပ်စွာပြောဆို ရေးသားနိုင်ပါသည်။
မှတ်ချက်များကို မကြာမှီ ဖော်ပြပေးပါမည်။

Related Posts Plugin for WordPress, Blogger...