Friday, 14 November 2014

UN ဘယ်သူ့အတွက် လုပ်ပေးနေတာလဲ အပိုင်း ( ၁ )



မြန်မာနိုင်ငံက အိမ်ရှင်အဖြစ် လက်ခံ ကျင်းပမည့် (၂၅)ကြိမ် မြောက် အာဆီယံထိပ်သီးအစည်းအဝေးကို တက်ရောက်ရန် ကမ္ဘာ့နိုင်ငံများစွာမှ ခေါင်းဆောင်များသည် နိုဝင်ဘာ ၉ ရက်မှ ၁၃ရက်အထိ မြန်မာနိုင်ငံတွင် ရှိနေကြပေမည်။ အဆို ပါအစည်းအဝေးသည် အရှေ့တောင်အာရှနိုင်ငံများ၏ နိုင်ငံ ရေး၊ စီးပွားရေး၊ လုံခြုံရေးကိစ္စများအပြင် ကမ္ဘာ့အရေးအခင်း များပါ ထည့်သွင်းဆွေးနွေးကြမည့် ဧရာမအစည်းအဝေး တစ်ခုဟုဆိုပါက မမှားနိုင်ပါ။

အဆိုပါ အစည်းအဝေးပွဲကို လက်ခံကျင်းပပေးခြင်းသည် မြန်မာနိုင်ငံ၏ပုံရိပ်ကို ကမ္ဘာ့ အလယ်မှာ မြှင့်တင်ပေးနိုင်သကဲ့သို့ ဒေသတွင်းနိုင်ငံများ ကြားတွင်လည်း မြန်မာက ခေါင်းဆောင်နေရာမှ ဦးဆောင် ခွင့်ရမည့် မဟာအခွင့်အရေးတစ်ခုဖြစ်ပါသည်။ ယင်းအစည်း အဝေးပွဲကြီး မစတင်ခင်ရက်ပိုင်းအလိုတွင် UN နှင့် EU အဖွဲ့တို့မှ မြန်မာနိုင်ငံနှင့်သက်ဆိုင်သော ဆုံးဖြတ်ချက်မူကြမ်း (Draft Resolution) တစ်ခုကို လာမည့် ကုလသမဂ္ဂအထွေ ထွေညီလာခံတွင် တင်သွင်းရန် အောက်တိုဘာ ၃၁ရက်က ထုတ်ပြန်ခဲ့ပါသည်။

ထိုမူကြမ်းတွင် ရခိုင်ပြည်နယ်ထဲကိုရောက် ရှိနေသောဘင်္ဂါလီများကို နိုင်ငံသားဖြစ်ခွင့်ပေးရန်နှင့် ဘင်္ဂါ လီအားလုံးကို ရိုဟင်ဂျာဟု တရားဝင် သုံးနှုန်းခွင့်ပေးရန် ဖော် ပြပါရှိသည်။ ယခုကဲ့သို့ မြန်မာနိုင်ငံက မင်္ဂလာယူနေသော အချိန်အခါသမယတွင် ယင်းမူကြမ်းကို ထုတ်ပြန်လိုက်ခြင်း သည် တိုက်ဆိုင်မှုတစ်ခု(သို့) လုပ်ကြံမှုတစ်ခုဟု တွေးတော မေးခွန်းထုတ်စရာ ဖြစ်လာခဲ့တော့သည်။

တစ်ချိန်တည်းမှာပဲ မြန်မာနိုင်ငံဆိုင်ရာ ကုလအထူး ကိုယ်စားလှယ် ဗီဂျေနမ်ဘီးယားက ဘင်္ဂါလီများကို မြန်မာ အစိုးရအနေဖြင့် နိုင်ငံသားပေးရန် ယခုထက်ပိုပြီး ဖိအား ပေးသွားမည့်အကြောင်းကို ပြီးခဲ့သောရက်ပိုင်းတွင် AP သတင်းဌာနသို့ ပြောကြားခဲ့ပြန်သည်။ မစ္စတာနမ်ဘီးယား က ''တန်းတူအခွင့်အရေးကိုအခြေခံပြီး နိုင်ငံသားဖြစ်ခွင့်ကို အပြည့်အဝပေးရမယ်''ဟု ဘင်္ဂါလီများအတွက်တောင်းဆိုခဲ့ ခြင်းဖြစ်သည်။

ထို့ပြင် မြန်မာအစိုးရသည် ဘာသာရေးကိုပစ်မှတ်ထား တိုက်ခိုက်နေသည်ဟူ၍လည်း သူကစွပ်စွဲထားပြီး ယင်းကိစ္စ အတွက် အထူးစိုးရိမ်မိကြောင်း ထပ်လောင်းပြောကြားခဲ့ ပြန်သည်။ မစ္စတာနမ်ဘီးယား၏ မှတ်ချက်စကားနှင့်ပတ် သက်ပြီး ကုလသမဂ္ဂဆိုင်ရာ မြန်မာသံအမတ်ကြီးဦးတင်ကျော် က ''မြန်မာပြည်မှာ ဘာသာရေးကိုပစ်မှတ်ထားပြီး တိုက်ခိုက် မှုတွေ လုံးဝမရှိဘူး''ဟု ပြတ်ပြတ်သားသား ငြင်းချက်ထုတ် ခဲ့သည်။

သို့သော် UN နှင့် EU အဖွဲ့တို့မှ ထုတ်ပြန်ထားသော ဆုံးဖြတ်ချက်မူကြမ်းအရ မြန်မာအစိုးရသည် ကုလသမဂ္ဂ အထွေထွေညီလာခံတွင် တစ်စုံတစ်ရာဖြေရှင်းရမည့် အခြေ အနေမျိုးဖြစ်နေသည်။ ထိုမျှမက ယင်းညီလာခံသို့ တက် ရောက်မည့် အဖွဲ့ဝင်နိုင်ငံတော်တော်များများကလည်း ဘင်္ဂါ လီကိစ္စတွင် မြန်မာအစိုးရဘက်မှ ရပ်တည်ပေးမည် မဟုတ် ဟု ဆိုသည့်သတင်းများလည်း ထွက်ပေါ်နေပါသည်။ အထူး သဖြင့် အမေရိကန်ကဲ့သို့ ကမ္ဘာ့အင်အားကြီးနိုင်ငံသည် ရေနံ အလျှံအပယ်ထွက်နေသော အရှေ့အလယ်ပိုင်း အာရပ်နိုင်ငံ များကို မျက်နှာလိုမျက်နှာရဖြစ်စေရန် ဘင်္ဂါလီအရေးကို လူ့ အခွင့်အရေးစံနှုန်းတစ်ခုဖြင့် ပြောဆိုဝေဖန်လာနိုင်ပါသည်။
ယခုလောလောလတ်လတ် မြန်မာနိုင်ငံက အိမ်ရှင်အဖြစ် ကျင်းပနေသော အာဆီယံထိပ်သီးအစည်းအဝေးသို့ တက် ရောက်လာသည့် သမ္မတအိုဘားမားကို ဘင်္ဂါလီကိစ္စထောက် ပြပြောဆိုစေရန် အမေရိကန် ဟား ဗတ်အစီရင်ခံစာက ဖိ အားပေးတိုက်တွန်းမှုများရှိနေသည်။ အကယ်၍ ယင်းတိုက် တွန်းချက်ကို အိုဘားမားက အာဆီယံအစည်းအဝေးတွင် ထုတ်ဖော်ပြောဆိုလာပါက ပြည်တွင်း အမျိုးဘာသာစောင့် ရှောက်ရေး(မဘသ)ဆရာတော်ကြီးများ၏ ကန့်ကွက်ဆန္ဒ ပြမှုကို အသေအချာကြုံတွေ့ရမည်။

မဘသဦးဆောင်ဆရာတော်တစ်ပါးက ''မြန်မာသမ္မတ ရဲ့ အမေရိကားခရီးစဉ်မှာ သူတို့အမေရိကန်နိုင်ငံရဲ့ ပြည် တွင်းရေးကို ဘာတစ်ခုမှ ဝင်ရောက်စွက်ဖက်ခဲ့တာမရှိဘူး။ အခုအမေရိကန်သမ္မတရဲ့ မြန်မာပြည်ခရီးစဉ်မှာ ရခိုင်မှာ ရှိတဲ့ ဘင်္ဂါလီတွေကို နိုင်ငံသားဖြစ်ခွင့်တောင်းဆိုလာမယ် ဆိုရင်တော့ မဘသဆရာတော်တွေက သူ့ကိုဆန္ဒပြကန့်ကွက် သွားမှာပဲ''လို့ အတိအလင်းပြောဆိုထားသည်။

ကုလသမဂ္ဂတွင် ဘင်္ဂါလီကိစ္စကို နိုင်ငံတချို့မှ မည်သို့ ပင် ထောက်ခံပြောဆိုလာကြစေကာမူ မြန်မာနိုင်ငံ၏ သမိုင်း အခြေခံနှင့် ပြည်သူတို့၏သဘောထားကို လေးစားလိုက်နာ ရန်လိုအပ်ကြောင်း ရခိုင်တိုင်းရင်းသား ခေါင်းဆောင် ဦးအေး သာအောင်ကဆိုသည်။ ထို့ပြင် အမေရိကန်သမ္မတအိုဘား မားမလာခင်အချိန်လေးတွင် အဆိုပါ EU ၏ Draft resolution ထွက်လာခြင်းသည် ရိုးသားမှုမရှိသော ကြိုတင်ကြံစည် ချက်တစ်ခု သာဖြစ်ကြောင်း သူကဆက်ပြောသည်။

''ဘယ် နိုင်ငံကမှ ဒီကိစ္စကိုဝင်ရောက်စွက်ဖက်ခွင့်မရှိဘူး။ မြန်မာ နိုင်ငံရဲ့သမိုင်းအခြေခံနဲ့ ပြည်သူတွေရဲ့သဘောထားကို လေး စားဖို့လိုတယ်။ အခုအိုဘားမား မြန်မာနိုင်ငံလာတဲ့အချိန် လေးမှာပဲ ဒီကြေညာချက်ကထွက်လာတော့ ဒါဟာ ကြိုတင် ကြံစည်မှုပဲ။ အရင်တုန်းက ကုလသမဂ္ဂအထူးကိုယ်စားလှယ် မြန်မာနိုင်ငံမလာခင်တုန်းကလည်း ဒီလိုပြဿနာတွေကြုံရ ဖူးတယ်။ သူတို့မလာခင်မှာ အဲဒီလိုကြေညာချက်တွေထွက် လာလို့လဲ မဖြစ်သင့်တာတွေ ဖြစ်ခဲ့ရတာတွေရှိတယ်''ဟု ပြောသည်။

ပြည်တွင်းလူ့အခွင့်အရေးဆောင်ရွက်နေသည့် Equality Myanmar မှ အမှုဆောင်ညွှန်ကြားရေးမှူး ဦးအောင် မျိုးမင်းကတော့ ကုလသမဂ္ဂအထွေထွေညီလာခံကို အောက် တိုဘာလမှ ဒီဇင်ဘာလလယ်အထိ နှစ်စဉ်ပုံမှန်ကျင်းပလေ့ ရှိသောကြောင့် ယခုအာဆီယံ Summit ကျင်းပချိန်နှင့် တိုက် ဆိုင်နေခြင်းသာဖြစ်ကြောင်း သူ၏အမြင်ကို ရှင်းပြသည်။

''အမှန်က သမ္မတအိုဘားမားလာမယ့်အချိန်နဲ့ အချိန် ကိုက်လုပ်တာမဟုတ်ဘူး။ သမ္မတအိုဘားမား လာမယ့်အချိန် ဟာ ကုလသမဂ္ဂမှာ မြန်မာနိုင်ငံအကြောင်း ဆွေးနွေးမယ့် အချိန်နဲ့ တိုက်နေတာပါ။ နှစ်တိုင်းနှစ်တိုင်း ကုလသမဂ္ဂအထွေ ထွေညီလာခံကို အောက်တိုဘာလကနေ ဒီဇင်ဘာလလယ် မှာ ကျင်းပနေကျပါ။ အဲဒီကာလအတွင်းမှာ မြန်မာနိုင်ငံနဲ့ သက်ဆိုင်တဲ့ ဆွေးနွေးရမယ့် အချက်တစ်ချက်ကို ဆွေးနွေး ရတယ်။ ဒါနှစ်တိုင်းလုပ်နေကျ။ အိုဘားမားက အခုအာဆီယံ Summit အတွက်လာတော့ သွားပြီးတိုက်ဆိုင်သလိုဖြစ်သွား တယ်''ဟုဆိုသည်။

ကုလသမဂ္ဂအထွေထွေညီလာခံ၏ လုပ်ထုံးလုပ်နည်း တွင် မြန်မာနိုင်ငံအကြောင်းစဉ်းစားသည့် တတိယကောင်စီ ၏ Agenda တစ်ခုရှိသည်။ အကယ်၍ နိုင်ငံအတွင်း လူ့အ ခွင့်အရေးချိုးဖောက်မှုရှိပါက ၄င်းအချက်ကို သတ်မှတ်ပြီး ဆွေးနွေးမှုပြုလုပ်ရသည်။ အဆိုပါလုပ်ငန်းစဉ်ကို ၁၉၉၂ ခု နှစ်ကတည်းက စတင်ခဲ့ခြင်းဖြစ်သည်။ ထို့ကြောင့် နှစ်စဉ် နှစ်တိုင်း ကုလသမဂ္ဂအထွေထွေညီလာခံက မြန်မာနိုင်ငံနှင့် သက်ဆိုင်သော UN General Assembly Resolution ထုတ်ပြန်ခြင်းဖြစ်သည်။ အဆိုပါထုတ်ပြန်ချက် ထွက်ပေါ် လာပုံအဆင့်ဆင့်ကို ဦးအောင်မျိုးမင်းက ဆက်လက်ရှင်းပြ ခဲ့သည်။

သူက ''အဲဒါထွက်ဖို့လုပ်ထုံးလုပ်နည်းဟာ နိုင်ငံတစ်နိုင်ငံ က အဲဒီမူကြမ်းကိုရေးဆွဲမယ်။ နိုင်ငံ ၂ဝကနေပြီး ပဏာမ ထောက်ခံရတယ်။ အဲဒါကို ကုလသမဂ္ဂအထွေထွေညီလာခံ မှာ မြန်မာနိုင်ငံအကြောင်း ဆွေးနွေးတဲ့နေ့ရောက်ရင် တင် သွင်းခွင့်ရမယ်။ အဲဒီနိုင်ငံအရေအတွက် ထောက်ခံမှုမရှိရင် တင်သွင်းခွင့်မရဘူး။ ဒီမူကြမ်းကို နှစ်တိုင်းနှစ်တိုင်း ရေးလေ့ ရှိတာက ဥရောပသမဂ္ဂ(အီးယူ)ပေါ့။ ဒါက အစဉ်အလာအ တိုင်းပဲ။ ဒါကြောင့် သမ္မတကြီးက အီးယူအကြီးအကဲတွေနဲ့ တွေ့တဲ့အခါမှာ ဒီမူကြမ်းကို မတင်ပါနဲ့လို့ သူ့ဘက်ကတိုက် တွန်းခဲ့တာရှိတယ်။ အဲဒီထဲမှာ ရိုဟင်ဂျာ Issue တစ်ခုတည်း မဟုတ်ဘူး။ မြန်မာနိုင်ငံမှာဖြစ်နေတဲ့
လူ့အခွင့်အရေးနဲ့ ပတ်သက်ပြီး မြန်မာ အစိုးရလုပ်နေတာကို သူတို့ဘက်က သုံးသပ်တဲ့ ယူဆချက် တွေပါမယ်။ ဒီမူကြမ်းကို အီးယူကတင်တဲ့အချိန်မှာ အားလုံး က ထောက်ခံလို့ရှိရင် ကုလသမဂ္ဂ အထွေထွေညီလာခံရဲ့ ဆုံးဖြတ်ချက်ဆိုပြီး ထွက်လာမယ်။ ထောက်ခံတယ် မထောက် ခံဘူးဆိုတာကိုတော့ တင်တဲ့နေ့ကျမှသိရမှာပါ'' ဟုဆိုသည်။

ဤနေရာတွင် ဆုံးဖြတ်ချက်မူကြမ်းတွင် မည်သည့်အ ချက်များ ပါဝင်သည်ကို သိရှိရန် လိုအပ်ပါသည်။ သေချာ သည်မှာ ဘင်္ဂါလီတိုင်းကို နိုင်ငံသားအဖြစ် အသိအမှတ်ပြု ပေးရန် သူတို့က တောင်းဆိုလိမ့်မည်ဟု မထင်ကြောင်းနှင့် တောင်းဆိုခဲ့ပါကလည်း ယင်းအချက်သည် လက်တွေ့မကျ သည့်အတွက် ထောက်ခံသော နိုင်ငံများစွာရှိလိမ့်မည်မဟုတ် ကြောင်း ဦးအောင်မျိုးမင်းက ဖြည့်စွက်ပြောကြားခဲ့သည်။

ယခုကဲ့သို့ မြန်မာပြည်၏ ပြည်တွင်းရေးကိစ္စတစ်ခု သည် ကုလသမဂ္ဂအဆင့်အထိဖြစ်လာသည်ကို ပြည်တွင်းနိုင်ငံ ရေးအင်အားစုများနှင့် ရဟန်းသံဃာများကလည်း လက်မခံ နိုင်ကြောင်း ကန့်ကွက်မှုများ ကျယ်ကျယ်ပြန့်ပြန့် ထွက်ပေါ် နေသည်။ ဒီမိုကရေစီလှုပ်ရှားမှုတွင် တက်ကြွစွာပါဝင်ခဲ့သည့် နာမည်ကျော် ရွှေညဝါဆရာတော်က ''အစိုးရက ရခိုင်ပြည် နယ်မှာရှိတဲ့ ဘင်္ဂါလီတွေကို ၁၉၈၂နိုင်ငံသားပြုခွင့်၊ ဖြစ်ခွင့် ဥပဒေနဲ့အညီ စိစစ်နေတယ်။ ဒါကို ကုလသမဂ္ဂကအထွေထွေ ညီလာခံမှာ မဲခွဲဆုံးဖြတ်လို့ ထောက်ခံသည်ဖြစ်စေ၊ မထောက် ခံသည်ဖြစ်စေ ဘုန်းကြီးတို့ကတော့ ရခိုင်ပြည်သူတွေရဲ့ သ
ဘောထား အတိုင်း၊ မြန်မ ပြည်သူတွေရဲ့သဘောထားအတိုင်း အမြဲ ရှေ့က နေရပ်တည်ပေးမယ်။ အနောက်နိုင်ငံတွေက မြန်မာအစိုးရနဲ့ ပြည်သူတွေဟာ ဘင်္ဂါလီတွေကို လူ့အခွင့် အရေးနဲ့အညီ လွတ်လပ်ခွင့်မပေးဘူးလို့ သူတို့ပြောရင် အဲဒီ လူတွေကို သူတို့နိုင်ငံကိုခေါ်သွားသင့်တယ်လို့ပဲ ပြောရမယ်'' ဟုဆိုသည်။

မကြာမီကျင်းပမည့် ကုလသမဂ္ဂအထွေထွေညီလာခံ တွင် မြန်မာ့အရေးနှင့်ပတ်သက်ပြီး ရိုဟင်ဂျာအရေးခေါင်း စဉ်ဖြင့် ဆွေးနွေးမှု၊ မဲခွဲမှုများပြုလုပ်ခဲ့မည်ဆိုပါက ယင်းအ နေအထားမှာ မြန်မာနိုင်ငံအတွက် ပြောပလောက်သည့် အခြေအနေမျိုးမဟုတ်ပေ။ အဘယ်ကြောင့်ဆိုသော် အထွေထွေ ညီလာခံသည် မြန်မာနိုင်ငံ၏လူ့အခွင့်အရေးနှင့် ပတ်သက်ပြီး ပြောဆိုဝေဖန်မှု၊ မဲခွဲဆုံးဖြတ်မှုများကို ၁၉၉၁ခုနှစ်လောက် ကတည်းက ပြုလုပ်ခဲ့သော်လည်း စံတင်လောက်သည့် ထိ ရောက်မှုများစွာ မရှိခဲ့ပေ။

အပိုင်း(၂) ဆက်လက်ဖတ်ရှုပါရန်။
From:YMG

www.mmdailystar.com

0 comments:

Post a Comment

လွတ်လပ်စွာပြောဆို ရေးသားနိုင်ပါသည်။
မှတ်ချက်များကို မကြာမှီ ဖော်ပြပေးပါမည်။

Related Posts Plugin for WordPress, Blogger...