Wednesday, 30 September 2015

NLD အပါအ၀င် ပါတီသုံးခုအား မဲဆွယ်စည်းရုံးခွင့် တားမြစ်သည့် NDA-K ခေါင်းဆောင် ဦးဇခုန်တိန့်ယိန်းကို ကချင်ပြည်နယ် ရွေးကောက်ပွဲကော်မရှင် ခေါ်ယူသတိပေး

NLD ပါတီအပါအ၀င် ပါတီသုံးခုအား မဲဆွယ်စည်းရုံးခွင့် တားမြစ်သည့် NDA-K ခေါင်းဆောင် ဦးဇခုန်တိန့်ယိန်းအား ကချင်ပြည်နယ် ရွေးကောက်ပွဲကော်မရှင်က စက်တင်ဘာ ၂၉ ရက်တွင်  ခေါ်ယူသတိပေးခဲ့ကြောင်း သတင်းရရှိသည်။ 
 
ကချင်ပြည်နယ် ရွေးကောက်ပွဲကော်မရှင်ဥက္ကဋ္ဌက “ရွေးကောက်ပွဲဥပဒေအတိုင်း လိုက်နာမယ်လို့ပဲ ဆုံးဖြတ်တယ်။ အသိပေးတာဆိုတော့ ခံဝန်ကတိထိုးတာမျိုး မရှိပါဘူး။ ဥပဒေအတိုင်း ဖြစ်စေရမယ်လို့ပဲ ဖြေပါတယ်။NLD နှင့်လီဆူးအမျိုးသားများ ဖွံ့ဖြိုးတိုးတက်ရေးပါတီ၊ လော်ဝေါ်အမျိုးသားများ ဖွံ့ဖြိုးတိုးတက်ရေးပါတီတို့က ကော်မရှင်ကို စာတင်ထားပါတယ်”ဟု ပြောကြားသည်။
 
ယနေ့ဆွေးနွေးပွဲသည် မွန်းလွဲနှစ်နာရီမှ ညနေ ၄ နာရီခွဲအထိ ကြာမြင့်ခဲ့ပြီး တိကျသော ၀န်ခံချက်များမလုပ်ခဲ့ဘဲ အရင်ကထက် ပိုမိုစည်းရုံးခွင့်ပြုလုပ်နိုင်သည့် အနေအထားဖြစ်လာကြောင်း ဦးဇခုန်တိန့်ယိန်းက တိကျသော ဖြေကြားမှုများ မပြုလုပ်ခဲ့ကြောင်း ထုတ်ပြန်တားမြစ်သောစာနှင့် ပတ်သက်ပြီး ဥပဒေနှင့် မညီသဖြင့် ပြန်လည်ရုပ်သိမ်းသင့်သော်လည်း ပြန်လည်ရုပ်သိမ်းသည်ဟု ၀န်ခံခြင်းပင် မပြုခဲ့ကြောင်း၊ မိမိတို့ လော်ဝေါ်ပါတီမှာ ယင်းဒေသများတွင် မျိုးနွယ်စုများ ပန်ဝါ၊ ချီဖွေ၊ ဆော့လောဒေသများတွင် အများစုနေထိုင်သည့်အတွက် စည်းရုံးရေးလုပ်ငန်းများ ပြန်လည်ပြုလုပ်သွားမည်ဖြစ်ကြောင်း ပြောကြားသည်။
 
ဦးဇခုန်တိန့်ယိန်းအား သတင်းထောက်များက မေးမြန်းရာတွင် “ငြိမ်းချမ်းမှ ဖြစ်မယ်၊ တည်ငြိမ်မှ ဖြစ်မယ်။ ရွေးကောက်ပွဲဆိုတာ ဒေသခံပြည်သူတွေရဲ့ဆန္ဒကို ဖော်ဆောင်တာ ဖြစ်ပါတယ်။ အဲဒီအခွင့်အရေးကို အေးအေးချမ်းချမ်း ဖော်ဆောင်နိုင်ဖို့ ၀ိုင်းပြီးလုပ်ရမှာပေါ့။ ရွေးကောက်ပွဲပြီးသွားရင်တော့ မဲပိုရတဲ့ ပါတီက နိုင်မှာပေါ့ ။ပဋိပက္ခတွေ ပြဿနာတွေက ပြည်သူတွေကို ခက်ခဲနေတဲ့ အခြေအနေဖြစ်ပါတယ်။ ပါတီတွေ ကြားဝင်လာတော့ ပါတီတွေက ဖြေရှင်းနိုင်မှာ ဟုတ်သလား။ မသေချာဘူး။ စည်းရုံးနိုင်တာကတော့ ပါတီတွေ ဆုံးဖြတ်ပေါ့။ ဒီနေ့ဆုံးဖြတ်တာက ဒီမိုကရေစီအပြည့်အ၀ ကျင့်သုံးဖို့ပါပဲ”ဟု ပြောကြားသည်။ မဲဆွယ်စည်းရုံးခွင့် ပြု၊ မပြု မေးခွန်းကို သုံးကြိမ်တိုင် သတင်းထောက်များက မေးမြန်းသော်လည်း တိကျသောအဖြေကို ပေးခဲ့ခြင်းမရှိချေ။
 
ဦးကျော်ကျော်ဦး  NLD အမျိုးသားလွှတ်တော် ကိုယ်စားလှယ်က “ပြည်နယ် ဒုညွှန်မှူးကပဲ ဒီလိုစည်းရုံးခွင့်ကို လက်ခံပါတယ်ဆိုပြီး ဖြေသွားတယ်။သူ့ရဲ့တားမြစ်ချက်ကတော့ ငြိမ်းချမ်းရေးပျက်မှာ စိုးတယ်ပေါ့။ အမှန်တကယ်က ဥပဒေအရလွဲမှားနေတဲ့ကိစ္စကို သူကိုယ်တိုင်မဖြေဘဲ သူများဖြေသွားတာပါ”ဟု ပြောကြားသည်။
 
ဦးဇခုန်တိန့်ယိန်းသည် စက်တင်ဘာ ၂၂ ရက် ညနေပိုင်းတွင် ပန်ဝါမြို့သို့ မဲဆွယ်စည်းရုံးရေးသွားသည့် NLD ပါတီအဖွဲ့ဝင်များအား တားမြစ်သည့် စာတစ်စောင်ကို ထုတ်ပြန်ခဲ့သည်။ ဦးဇခုန်တိန့်ယိန်း၏ တားမြစ်စာတွင် ကချင်ပြည်နယ် အထူးဒေသ (၁) ထာဝရငြိမ်းချမ်းရေး တည်ဆောက်ထားသည့် ဧရိယာ (တည်ဆောက်ဆဲနယ်မြေ) ဖြစ်သည့် ၀ိုင်းမော် မြို့နယ်တွင် ပါဝင်သည့် ဆဒုံး၊ ကန်ပိုင်တည်၊ မန်ဝိန်း၊ ဒွန်ဘမ်၊ ခ၀မ်နှင့် ရှိငေါ်ချောင်းရိုး ဒေသကျေးရွာများ၊ ချီဖွေမြို့နယ်အတွင်း ပါဝင်သည့်ကျေးရွာများ၊ ဆော့လော်မြို့နယ်အတွင်း ပါဝင်သည့် ကျေးရွာများတွင် အစိုးရအပြောင်းအလဲ ပြုလုပ်ရေး ရည်ရွယ်ဆောင်ရွက်နေခြင်း မရှိသေးသဖြင့် နောက်ဆုတ်သွားကြပါရန် အကြောင်းကြားအပ်ပါသည်ဟု ဦးဇခုန်တိန့်ယိန်း လက်မှတ်ဖြင့် ထုတ်ပြန်ခဲ့ကြောင်းသိရသည်။ ယင်းစာတွင် နယ်မြေဒေသနှင့် နယ်မြေဒေသတွင်း နေထိုင်ကြသူများကို လူမျိုးဘာသာမခွဲခြားဘဲ ဖွံ့ဖြိုးတိုးတက်ရေးနှင့် လုံခြုံရေးကတိက၀တ်များ ဖော်ဆောင်ဆဲဖြစ်ကြောင်း၊ ပါတီစုံဒီမိုကရေစီ ရွေးကောက်ပွဲကြီးအတွက် ပါတီများ၊ လူပုဂ္ဂိုလ်ကြီးများ များပြားစွာ လှုပ်ရှားစည်းရုံးလာကြသော်လည်း မိမိတို့လက်ခံရန် အသင့်မဖြစ်သေးသဖြင့် စည်းရုံးလှုပ်ရှားမှုများကို တားမြစ်ကြောင်း ဖော်ပြထားသည်။
 
NLD ပါတီသည် ကချင်ပြည်နယ်အတွင်း နေရာပေါင်း ၇၀ လုံးကို ၀င်ရောက်ယှဉ်ပြိုင်မည်ဖြစ်ပြီး ပြည်နယ်လွှတ်တော်အတွက် ချီဖွေမြို့နယ် မဲဆန္ဒနယ် အမှတ် (၁)တွင် ဦးဒေါင်ဟောင်း၊ အမှတ်(၂)တွင် ဦးခေါဘောမ်၊ ပြည်သူ့လွှတ်တော်အတွက် ဦးမင်းနိုင်၊ ဆော့လော်မြို့နယ်တွင် ပြည်နယ်လွှတ်တော်အဖြစ် အမှတ် (၁) တွင် ဦးဆန်းဝေဒေါင်လွန်း၊ အမှတ် (၂) တွင် ဦးဆာကီး၊ ပြည်သူ့လွှတ်တော်အဖြစ် ဦးကျော်လှိုင်နှင့် ယင်းမြို့နယ်များ ကိုယ်စားပြု အမျိုးသားလွှတ်တော်အဖြစ် ဦးကျော်ကျော်ဦးတို့က ၀င်ရောက်ယှဉ်ပြိုင်မည်ဖြစ်ကြောင်း သိရသည်။
 
ဦးဇခုန်တိန့်ယိန်းသည် တစ်သီးပုဂ္ဂလကိုယ်စားလှယ်အဖြစ် ကချင်ပြည်နယ် မဲဆန္ဒနယ်အမှတ် (၅) ချီဖွေ၊ ဆော့လော်၊ အင်ဂျန်းယန်မြို့နယ်များတွင် ပြည်ထောင်စုကြံ့ခိုင်ရေး နှင့် ဖွံ့ဖြိုးရေးပါတီ၊ မနောတိုင်ပါတီ (စဒက-စည်းလုံးညီညွတ်ရေးနှင့် ဒီမိုကရေစီပါတီ) တို့ နှင့် မဟာမိတ်အဖြစ် ပူးပေါင်းကာ ယှဉ်ပြိုင်မည့်သူဖြစ်သည်။
 
ဦးဇခုန်တိန့်ယိန်း၏ သားဖြစ်သူ ဦးဇခုန်ယိန်းဆောင်မှာ စည်းလုံးညီညွတ်ရေးနှင့် ဒီမိုကရေစီပါတီမှ ပြည်နယ်လွှတ်တော်ကိုယ်စားလှယ်လောင်းအဖြစ် ချီဖွေမြို့နယ် မဲဆန္ဒနယ် အမှတ် (၂) မှ ၀င်ရောက်ယှဉ်ပြိုင်မည် ဖြစ်သည်။


www.mmdailystar.com

0 comments:

Post a Comment

လွတ်လပ်စွာပြောဆို ရေးသားနိုင်ပါသည်။
မှတ်ချက်များကို မကြာမှီ ဖော်ပြပေးပါမည်။

Related Posts Plugin for WordPress, Blogger...