Thursday, 1 October 2015

ကချင်နဲ့ ကရင် ဒေသတချို့ ရွေးကောက်ပွဲ မလုပ်နိုင်

ကချင်ပြည်နယ် နဲ့ ကရင်ပြည်နယ် ထဲက တချို့ဒေသတွေမှာ လုံခြုံရေး အနေအထားကြောင့် ရွေးကောက်ပွဲ ကျင်းပနိုင်ဖို့ မရှိဘူးလို့ သိရပါတယ်။
ကချင်ပြည်နယ် တချို့ မြို့နယ်တွေမှာ တိုက်ပွဲတွေ ဖြစ်ပွား နေတာကြောင့် စောင့်ကြည့်နေရ သလို၊ ကရင် ပြည်နယ်မှာကတော့ တိုင်းရင်းသား လက်နက်ကိုင် အဖွဲ့အစည်းတွေရဲ့ အနီးတစ်ဝိုက်မှာရှိပြီး လုံခြုံရေး ကြောင့် မကျင်းပနိုင်တာ ဖြစ်တယ်လို့ ပြည်နယ် ကော်မရှင်တွေဘက်က ပြောပါတယ်။
ကရင် ပြည်နယ်ထဲက ကျေးရွာ ပေါင်း ၄၀၀ ကျော် ရှိတဲ့ နေရာမှာ တစ်ရာကျော်ကတော့ ရွေးကောက်ပွဲ မလုပ်ဖို့ သေချာသွားပြီလို့ ကရင်ပြည်နယ် ရွေးကောက်ပွဲ ကော်မရှင် ဥက္ကဌ က ပြောပါတယ်။
ဒီလို ရွေးကောက်ပွဲ မကျင်းပနိုင်တဲ့ အခြေအနေကို ပြည်ထောင်စု ရွေးကောက်ပွဲ ကော်မရှင်ကို တင်ပြ ထားပြီး ဖြစ်တယ်လို့လည်း ပြောပါတယ်။
ကချင်ပြည်နယ်မှာလည်း လတ်တလော အစိုးရ စစ်တပ် နဲ့ ကချင် လွတ်မြောတ်ရေး တပ်တို့ကြား ဖြစ်ပွား နေတဲ့ တိုက်ပွဲတွေ အခြေအနေကြောင့် ဆွန်ပရာဘွန်တို့ မန်စီတို့ ဘက်မှာ စောင့်ကြည့်နေရတဲ့ အခြေအနေ ရှိပါတယ်။
ကချင် ပြည်နယ်မှာ လက်ရှိ ဖြစ်ပွားနေတဲ့ တိုက်ပွဲတွေကြောင့် မဲရုံပေါင်း ၈၀၀ ကျော် ဖွင့်ဖို့ လျာထားတဲ့ နေရာမှာ အနည်းဆုံး ၅၀ နဲ့ တစ်ရာကြား မဲရုံတွေ ဖွင့်ဖို့ မလွယ်နိုင်ဘူးလို့ ကချင်ပြည်နယ် ဒီမိုကရေစီ ပါတီ ဥက္တဌ ဒေါက်တာ တူးဂျာက ပြောပါတယ်။
ပြည်နယ် ရွေးကောက်ပွဲ ကော်မရှင်ကတော့ အဲလိုမဲ ရုံတွေ ပိတ်ရရင် အဲဒီ ဒေသက လူတွေ လုံခြုံတဲ့နေရာမှာ မဲပေးနိုင်ဖို့ စီစဉ်သွားမယ်လို့ ပြောပါတယ်။
www.mmdailystar.com

0 comments:

Post a Comment

လွတ်လပ်စွာပြောဆို ရေးသားနိုင်ပါသည်။
မှတ်ချက်များကို မကြာမှီ ဖော်ပြပေးပါမည်။

Related Posts Plugin for WordPress, Blogger...