Wednesday, 14 October 2015

ဒ်ါအောင်ဆန်းစုကြည် သံတွဲခရီးစဉ်အတွင်း ဆန္ဒပြရန် ခွင့်ပြုချက်တောင်းခံ


အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်၏ သံတွဲခရီးစဉ် အတွင်း ဆန္ဒပြရန် လူနှစ်ဦးက သံတွဲမြို့နယ် ရဲစခန်းတွင် အောက်တိုဘာလ ၁၃ ရက်နေ့က ခွင့်ပြုချက်တောင်းခံ ထားသည်ဟု သတင်းရရှိသည်။
“ ဟုတ်ပါတယ်ဗျာ။ ဦးသိန်းရွှေနဲ့ ဦးစံတင်တို့က တင်ထားပါတယ်။ ခွင့်ပြုမယ်/ ခွင့်မပြုဆိုတာကတော့ မသိရသေးပါဘူးခင်ဗျား။ သူတို့ကို အချက်အလက်တွေ မပြည့်စုံသေးတဲ့ အတွက် ရုံးကို ခေါ်ထားပါတယ်” ဟု သံတွဲမြို့နယ်မှူးက ပြောကြားသည်။
ဆန္ဒပြရန် လျှောက်ထားရသည့် ရည်ရွယ်ချက်မှာ “ ဒေါ်အောင်ဆန်း စုကြည်ခရီးစဉ်အား ရခိုင်ပြည်သူများ ကန့်ကွက်ခြင်း” ဟုသာ ပါရှိသည်ဟု ဆိုသည်။
“ သူတို့ ဆန္ဒပြဖို့ တင်ထားတဲ့ နေ့က ၁၈ ရက်နေ့ဆိုတော့ သတ်မှတ်ချက်နဲ့ မညီ ဖြစ်နေတယ်။ ဒါကြောင့် သူတို့ကို ရဲစခန်းကို ခေါ်ထားပါတယ်” ဟု ဆက်လက် ပြောဆိုသည်။
“ ဥပဒေမှာက နိုင်ငံသား တစ်ဦးဦးက ဖြစ်စေ၊ အဖွဲ့အစည်း တစ်ခုခုက ဖြစ်စေဆိုတာကတော့ ပါတယ်ခင်ဗျား။ ကျွန်တော်တို့က လက်ခံပြီးတော့ မြို့နယ် ထွေအုပ်တို့ဆီက ခွင့်ပြုချက်တွေတော့ ယူရသေးတယ်ဗျာ” ဟု မြို့နယ်မှူးက ဆိုသည်။
ဆန္ဒပြရန် လျှောက်ထားသူ ဦးသိန်းရွှေနှင့် ဦးစံတင်အား ဆက်သွယ်ရန်ကြိုးစားသော်လည်း အဆက်အသွယ် မရရှိခဲ့ပါ။




www.mmdailystar.com

0 comments:

Post a Comment

လွတ်လပ်စွာပြောဆို ရေးသားနိုင်ပါသည်။
မှတ်ချက်များကို မကြာမှီ ဖော်ပြပေးပါမည်။

Related Posts Plugin for WordPress, Blogger...