Friday, 9 October 2015

ငြိမ်းချမ်းရေးအတွက် ပထမခြေလှမ်း


မကြာသေးခင် ရက်ပိုင်းများက တပ်မတော်နှင့် တိုက်ပွဲငယ်အချို့ ဖြစ်ပွားခဲ့သော ရှမ်းပြည်ပြန်လည်ထူထောင်ရေးကောင်စီ (RCSS/SSA) က တစ်နိုင်ငံလုံး အပစ်အခတ်ရပ်စဲရေး သဘောတူစာချုပ် Nation Ceasefire Agreement- NCA တွင် လက်မှတ်ရေးထိုးရန် ဆုံးဖြတ်လိုက်ခြင်းကို ကြိုဆိုအပ်ပေသည်။
ထို့အတူ မူလကပင် NCA တွင် လက်မှတ်ရေးထိုးရန် သဘောတူ ဆုံးဖြတ်ထားပြီးသား ကရင်အမျိုးသားအစည်းအရုံး (KNU)၊ ကရင်ငြိမ်းချမ်းရေးကောင်စီ (KNU/ KNLA- PC)၊ ရခိုင်လွတ်မြောက်ရေးပါတီ (ALP)၊ ပအိုဝ်းအမျိုးသား လွတ်မြောက်ရေးအဖွဲ့ (PNLO)၊ ချင်းအမျိုးသားတပ်ဦး (CNF)၊ ဒီမိုကရေစီအကျိုးပြု ကရင်အမျိုးသားတပ်ဦး (DKBA)၊ ဗမာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး (ABSDF) တို့၏ ငြိမ်းချမ်းရေး လိုလားမှုကိုလည်း အထူးတလည် အသိအမှတ်ပြုရမည် ဖြစ်သည်။
နှစ်ပေါင်း ၆၀ ကျော် ပြည်တွင်းစစ်မီး တောက်လောင်ခဲ့သော မြန်မာနိုင်ငံတွင် ဒီမိုကရေစီ အသွင်ကူးပြောင်းရေး အကောင်အထည်ဖော်ရာတွင် တပ်မတော်နှင့် တိုင်းရင်းသား လက်နက်ကိုင်အဖွဲ့များအကြား အပစ်အခတ်ရပ်စဲရေး သဘောတူညီချက် ဗွေဆော်ဦး ရရှိရေးမှာ အထူးအရေးကြီးလှသည်။
ပြည်တွင်းစစ်မီး မငြိမ်းပါက ငြိမ်းချမ်းမှု မရနိုင်သည့်အတွက် ဒီမိုကရေစီ အသွင်ကူးပြောင်းရေး လုပ်ငန်းများလည်း အောင်မြင်စွာ အကောင်အထည်ဖော်ရန် မဖြစ်နိုင်သည့်အပြင် တပ်မတော်၏ နိုင်ငံရေးတွင် ပါဝင်ပတ်သက်မှုကိုလည်း လျှော့ချသွားရန် မလွယ်ကူနိုင်ကြောင်း နိုင်ငံရေးသီအိုရီများက အတိအလင်း ပြဆိုထားပြီး ဖြစ်သည်။
ဆိုလိုသည်မှာ ပြည်တွင်းစစ် ဖြစ်ပွားနေသော နိုင်ငံတိုင်းတွင် စစ်ဘောင် ကျယ်လာလေ့ရှိပြီး ပြည်တွင်းစစ်မီး ငြှိမ်းသတ်နိုင်မှသာ စစ်ဘောင်ကျဉ်းသွားကာ ဒီမိုကရေစီ ရေခံမြေခံများ ရှင်သန်လာနိုင်သည်ဆိုသော နိုင်ငံရေးသိပံ္ပ သီအိုရီကို ဆိုလိုရင်းဖြစ်သည်။
စစ်ဘောင်ဟု ဆိုရာတွင် တရားဝင် ဖွဲ့စည်းထားသည့် တပ်မတော်အပြင် အစိုးရကို လက်နက်ကိုင် ပုန်ကန်ဆန့်ကျင်သော အဖွဲ့အစည်းများလည်း အကျုံးဝင်နေရာ စစ်ဘောင်ကျဉ်းသွားရန် တပ်မတော်နှင့် တိုင်းရင်းသား လက်နက်ကိုင်အဖွဲ့ နှစ်ဖက်စလုံးတွင် တာဝန်ရှိပေသည်။
ငြိမ်းချမ်းမှု တည်ဆောက်ရေးကို ကမကထပြု ဆော်သြ ဆောင်ရွက်နေသည့် အစိုးရ အနေနှင့်လည်း ငြိမ်းချမ်းရေးကို အမှန်တကယ် လိုလားကြောင်း ပြသသည့်အနေနှင့် NCA လက်မှတ်ရေးထိုးရန် ဆုံးဖြတ်လိုက်သည့် တိုင်းရင်းသားလက်နက်ကိုင်များနှင့် ဒေသခံ ပြည်သူများအား လက်မှတ်ရေးထိုးခြင်းကြောင့် မည်သို့ အကျိုးကျေးဇူးများ ခံစားရရှိနိုင်ကြောင်း လက်တွေ့လုပ်ရပ်များဖြင့် သက်သေပြပေးရန် အထူးတာဝန်ရှိပေသည်။
တပ်မတော် အနေနှင့်လည်း NCA လက်မှတ်ရေးထိုးသည့် တိုင်းရင်းသား လက်နက်ကိုင်အဖွဲ့များနှင့် ရေရှည်တွင် ညှိနှိုင်းပူးပေါင်း ဆောင်ရွက်သွားနိုင်မည့် အစီအစဉ်များ ကြိုတင်ပြင်ဆင်ထားရန် လိုအပ်ပြီး လက်မှတ်မရေးထိုးသေးသည့် လက်နက်ကိုင်အဖွဲ့များ အပေါ်တွင်လည်း သဘောထားကြီးစွာဖြင့် စိတ်ရှည်စောင့်ဆိုင်းပေးရန် လိုအပ်မည်ဖြစ်သည်။
ထို့အတူ လက်မှတ်ရေးထိုးရန် မဆုံးဖြတ်ရသေးသော လက်နက်ကိုင်အဖွဲ့များသည်လည်း အားလုံး ပူးပေါင်းပါဝင်ရေး ဆိုသည့် မူတစ်ခုအပေါ်တွင် ပုံသေအထိုင်ထားခြင်းမျိုးထက် လက်တွေ့ကျပြီး ဖြစ်နိုင်ခြေရှိသော ရှဥ့်လည်းလျှောက်သာ၊ ပျားလည်းစွဲသာ အခြားနည်းလမ်းတစ်ခုကိုလည်း စဉ်းစားထားသင့်လှပေသည်။
မည်သို့ပင်ဖြစ်စေ လောလောဆယ်အားဖြင့် စိတ်ကူးစံနှုန်းနှင့် အလားသဏ္ဌာန်တူသည့် အားလုံးပါဝင်ရေး All Inclusive လမ်းကြောင်း မဖြစ်နိုင်သေးသော်လည်း ဖြစ်နိုင်ခြေ အရှိဆုံး အခြားနည်းလမ်းတစ်ခု The Best Alternative အနေနှင့် NCA လက်မှတ်ရေးထိုးရန် ဆုံးဖြတ်ခဲ့ကြသော တိုင်းရင်းသား လက်နက်ကိုင်အဖွဲ့များ၊ စေ့စပ်ညှိနှိုင်းပေးသူများ၊ ငြိမ်းချမ်းရေး အကျိုးတော်ဆောင်များနှင့် လက်မှတ်ရေးထိုးရန် အသင့်ဖြစ်နေသော မြန်မာ့တပ်မတော်တို့ကို ပထမအဆင့် ငြိမ်းချမ်းရေးခြေလှမ်း စတင်သူများအဖြစ် အသိအမှတ်ပြု မှတ်တမ်းတင်အပ်ပေသည်။
အယ်ဒီတာ (၈-၁၀-၂၀၁၅)

www.mmdailystar.com

0 comments:

Post a Comment

လွတ်လပ်စွာပြောဆို ရေးသားနိုင်ပါသည်။
မှတ်ချက်များကို မကြာမှီ ဖော်ပြပေးပါမည်။

Related Posts Plugin for WordPress, Blogger...