Wednesday, 7 October 2015

SSPP/SSA တပ်နဲ့ တိုက်ပွဲဖြစ်ပွား

ရှမ်းပြည်တောင်ပိုင်း မိုင်းရှုးမြို့နယ်ထဲမှာ SSPP/SSA ရှမ်းပြည်တိုးတက်ရေးပါတီ / ရှမ်းပြည်တပ်မတော် (ဝမ် ဟိုင်း) အဖွဲ့နဲ့ အစိုးရတပ်မတော်တို့ တိုက်ပွဲဖြစ်ပွားနေလို့ ရွာ ၅ ရွာလောက်က ဒေသခံတွေ ထွက်ပြေးနေကြရပါတယ်။
ဒီကနေ့ မနက်ပိုင်း မိုင်းရှုးမြို့ကနေ ဆယ်မိုင်လောက်ကွာဝေးတဲ့ နောင်ခြေရွာနားမှာ ဖြစ်ပွားခဲ့တာလို့ SSPP/ SSA (ဝမ်ဟိုင်း) အဖွဲ့က ဒုတိယဗိုလ်မှူးကြီး စိုင်းလှက ပြောပါတယ်။
"ဒီနေ့မနက် ၈ နာရီ ၄ဝ မှာ အရှေ့အလယ်ပိုင်းတိုင်း စစ်ဌာနချုပ်က တပ်အင်အား ၃ဝဝ လောက်က ဟိုးအရင်က သူတို့ဖယ်ခိုင်းတဲ့နေရာပေါ့ မိုင်းရှုးမြို့နယ်  နောင်ခြေရွာအနီးမှာပေါ့"
တိုက်ပွဲဖြစ်ပွားရာ အနီးတစ်ဝိုက်က နောင်ခြေ၊ နားသယ်၊ မိုင်းခန် စတဲ့ ရွာ ၅ ရွာလောက်က ဒေသခံတွေလည်း တိမ်းရှောင်နေကြရတယ်လို့ ပြောပါတယ်။
အစိုးရတပ်မတော် အရှေ့အလယ်ပိုင်းစစ်ဌာနချုပ်က အင်အား ၃၀၀ လောက်နဲ့ ရင်ဆိုင်တိုက်ပွဲဖြစ်ပွားနေတာဖြစ်ပြီး SSPP/SSA (ဝမ်ဟိုင်း) အဖွဲ့ရဲ့ နောင်ခြေရွာနားက တပ်စခန်းတစ်ခုကို ဦးတည်တိုက်ခိုက်နေတာဖြစ်တယ် လို့ ပြောပါတယ်။

www.mmdailystar.com

0 comments:

Post a Comment

လွတ်လပ်စွာပြောဆို ရေးသားနိုင်ပါသည်။
မှတ်ချက်များကို မကြာမှီ ဖော်ပြပေးပါမည်။

Related Posts Plugin for WordPress, Blogger...